爹仔串燒

Open Now

Now Closed

宵夜時間打算買外賣去朋友屋企食，行經呢間串燒餐廳，決定買少少上去試下個口癮買咗燒魷魚鬚，牛仔骨，台灣黑椒腸，司華力腸同雞肉串。串燒上到朋友度仲係熱辣辣，外皮燒得夠香，而且佢嘅獨家沙爹醬汁都非常之好食，食到好香嘅花生醬味，又有唔同辣度可以揀。牛仔骨都燒得好啱火喉，一啲都唔韌，份量又多，食落有牛肉味，有啲肉痴住骨位，食落有咬勁，咬下咬下，啱曬我口味。兩款腸仔都好好味，雖然台灣腸畀司華力腸細條，但係台灣腸嘅味道更加突出，而且口感完全唔一樣，台灣腸食起嚟比較油d，肉脂肪較多嘅口感，加埋黑椒香味，零舍好食。不過司華力腸極都係我細個嘅回憶，大條又啖啖肉，好味道，加埋醬汁，一流！至於燒魷魚鬚同燒雞肉串同樣滋味，食起嚟一啲都唔乾身，雞肉都好夠嫩，而且外皮燒得夠香，好後悔只係買左一串，太好食。絕對有下次！