元朗新記 (鴻運樓)

Open Now

Now Closed

係元朗食宵夜都會諗起新記，食左咁多年，食物質素都好好。舊鋪係又新街，新鋪開左係近西鐵站既安寧路。環境硬闊落。新記最出名既一定係雞粥， 係滑溜既貴妃雞，個粥底十分棉滑，充滿雞油既香味。簡單好味。 另外佢既燒味都係唔錯，有叉燒，乳鴿， 宵夜有乳鴿食真好邪惡，薄脆皮，鴿肉味濃。 叉燒係半肥瘦。 仲有好多燒味小食，海蜇燻蹄八爪魚。樣樣都想食，但叫唔到咁多，海蜇爽脆，麻油香，份量都十分多。 另外，仲可以叫小炒，炒咗碟腐乳通菜， 平時食開佢既炒飯小菜都好有鍋氣。咁樣食宵夜又幾滿足。