鼎爺私房菜 (Closed)

新年就快到啦！今年，我訂左鼎爺私房菜全新推出嘅賀年糕 - 家鄉蘿蔔糕同埋班香椰汁年糕，食材選料上乘古法秘方製作。家鄉蘿蔔糕整個蘿蔔糕超級足料有臘腸、膶腸、臘肉、蝦米，臘味甘香而不膩，仲有一梳一梳清甜又多汁嘅蘿蔔絲係入面，咬入口每一啖都層次豐富，口感不粉糊或鬆散，完全真材實料！切成厚身一條條去煎至金黃色，好似金磚咁新年寓意財源滾滾💰班香椰汁年糕新年賀年糕入面我最鍾意就係食年糕！加入左班蘭葉嘅年糕呈天然綠色，班蘭葉與椰汁味道相夾，入口先有班蘭葉嘅香氣再嘗到椰汁嘅香甜🤤 糯米粉同澄粉嘅比例做到恰到好處，令到年糕質地軟糯而不粘牙，砂糖分量亦剛剛好唔會甜膩！