醬缸韓國料理

Open Now

Now Closed

終於俾我喺香港搵到性價比好高嘅醬油蟹!!!!呢間韓國餐廳有韓國人主理，入邊啲員工全部都係用韓文溝通，彌補咗疫情冇得去韓國，對韓國嘅思念。一入座，首先就會送上餐前嘅小食，都不外乎係泡菜同薯仔絲。我哋order咗呢個必叫嘅醬油蟹，三百幾蚊有兩隻再加一碗紫菜飯。啖啖肉又多蟹膏，好鮮甜好好食。同埋啲醬汁唔會係死鹹，啱啱好撈飯一流。我哋仲要唔夠飯，另外再加多一碗添。另一個推介係呢一個生菜包五花腩，唔好俾佢個賣相呃咗，一層肥肉一層瘦肉間距分明，包埋生菜，連埋啲醬汁食落口，超Juicy超嫩滑。平時唔食肥豬肉嘅我都俾佢驚艷到。