醉翁亭火鍋館 (Closed)

早前去過銅鑼灣店覺得岩家人食，今次就帶埋黎試下觀塘店同銅鑼灣唔同，觀塘係落單而銅鑼灣有部分係自助，個人比較鍾意半自助。但同家人食走黎走去唔好，所以觀塘幾岩同家人食。一如銅鑼灣店，有豐富頭盤送，今次竟然見到三文魚腩刺身，一人一件真心唔夠喉，即想食多件，鮑魚東當然唔少的。今次叫左雞煲，但家人頂唔順果種麻辣，員工好好人畀我拎起晒d 雞慢慢食，再幫我賣換過第二個湯底。服務好好，經常幫我地換碟。觀塘店同樣有d 前菜係可以自助，雞腳，豬肚湯真心正，送既肥牛又大大碟好多雪花紋。最緊要無限時畀屋企人慢慢食慢慢坐，家人話下次再要黎食過。