稻香 (淘大商場) (Closed)

因為就腳， 一家人又食稻香，揀九點後，貪佢有宵夜小菜，雖然唔算好大碟，但食小菜晚飯黎講，算價錢合理，菜式都時不時會轉，三個大人今次點左乳鴨一隻，肉不算多，但炸得皮脆，肉亦算嫩滑，口水雞嘅醬汁有陣獨特嘅川辣香味，不會太辣，雞肉亦尚算嫩滑，份量差不多有四份一隻，沙羗豬手嘅味道啱啱好，夠沙羗味（但有時咸味會較重，可能唔同廚師），羗沖爆脆魚腩一般，魚腩嘅炸粉好厚，亦唔脆，但份量都算多，沙爹肥牛炒烏冬，沙嗲味濃，但肥牛太碎，烏冬尚算彈牙，埋單連茶錢加一大約245元，都算物有所值，起碼坐得舒服，茶水任飲，唔駛搭枱，一家人食完飯仲可以慢慢傾下偈，唔會好似食茶餐廳禁急趕，但價錢除開都差不多（而家啲茶餐廳係絕對唔便宜），雖然係家常便飯都係舒服啲好！