美味餃子店

Open Now

Now Closed

放工時間過去例牌要排隊，不過唔算排好耐。所有座位都係圓枱，需要搭枱。店員友善細心，見我哋有袋，就主動俾多張櫈我哋放袋。點咗雙拼（雲耳椰菜肉餃及韭菜肉餃）湯餃及煎餃各一，餃子非常大隻，兩人基本上order一大一細已經好飽肚。個人比較鐘意湯餃配辣菜脯，味道更有層次，又有湯飲下，不過留意個辣菜脯真係幾辣。煎餃可配豉油同醋，香口爆汁，但食多幾隻會感覺油膩。每枱必點豆漿，普普通通，甜度適中。餃子味道不過不失，味道都較啖口，無太多調味，不過勝在大隻足料，啖啖肉。另外亦可買生餃返屋企煮。