蛇竇茶記 (德輔道西)

Open Now

Now Closed

日期：7月9日人數：4人喺中環食飯，有好多餐廳都食過，所以有時都想去遠啲嘅地方食飯。呢日一行四個同事去咗石塘咀附近嘅蛇竇食午飯，一人叫一個小菜，係粟米斑塊、海鮮豆腐煲、鹹蛋蒸肉餅、同埋西檸雞。小菜新鮮即製，想除嘅時候仍然十分熱，值得一讚。味道係正常餐廳水準，不過不失。份量亦都非常足夠，四個男士都食得非常飽。當然餐廳亦有即日午餐同埋常餐供應，所以選擇都比較豐富。據說焗豬扒飯都唔錯，可以一試。環境算唔錯，乾淨衛生。服務就一般水準。價錢人均大約$70 ，尚算合理。