大喜慶 (Closed)

今日午飯去咗由高師傳開的大喜慶私房菜食午飯，午市—人餐$88可選—款小菜包例湯，炒菜，飯和糖水。我們十個人選咗十款小菜，諗住每碟餸都唔會好大碟仲叫多幾碟小食，點知嚟到碟碟都好有份量，十個人分完都仲有剩！ 蒸水蛋蒸得滑，麻婆豆腐香辣，咖哩牛腩入味，士多啤梨骨酸酸甜甜好開胃，全部用來送飯一流，仲有叫咗蝦仁炒蛋，粉絲煲，東坡肉等等， 雖然都係家常小菜，大部份餸都煮得好好味！