福門海鮮菜館 (Closed)

又到左幾個月一次嘅家庭聚會，今晚表哥話有重要事情宣佈，所以一家大細去咗旺角食飯，餐廳當然揀返中菜，適合大人細路食。福門據我所知已經歷史悠久，曾幾何時都嚟食過，都是一般酒樓嘅格局，門口有個大魚缸，養咗好多海鮮。Menu圖文並茂，選擇甚多，其中冬瓜盅、海鮮、燒鵝及雞煲等，都係呢度推介嘅，揀咗幾款之後就叫左啲小菜吃。冬瓜盅大熱天時最適合食返個冬瓜盅，又消暑又解渴，冬瓜盅份量都幾大，放上枱上俾大家相機食先之後，店員就會為我地分每人一碗。冬瓜湯清甜，冬瓜亦爽口新鮮，仲有鮮蝦肉係入邊，感覺冇乜味精，應該幾健康。鹵水併盤較為失望的一個餸，因為鹵水不夠入味，而掌翼還可見到一條條的黑毛，應該是事前處理功夫做得不足所致。粉絲蒜蓉蒸黃金貝黃金貝好大隻，都幾新鮮，勁多蒜蓉同粉絲，撈埋d汁食好有蒜味，令人食慾大增。秘製香辣鮮雞煲惹味嘅雞煲亦都係我嘅至愛，雞煲已經預先煮熟，只需開慢火就可以立即吃，雞煲內有各式各樣配料，如花椒、八角、芫茜等等，味道香口而且雞肉滑，有少少麻辣幾刺激，又唔會辣到食唔到，幾個人好快就清哂成煲。沙律明蝦球沙律醬好惹味，酸酸甜甜最適合夏天食，炸粉不多，咬開蝦球內見到鮮蝦肉，好適合配飯的小菜。