Video
Read full review
2023-06-04
385 views
無時間煮飯，成日要出街食飯，都真係唔係咁健康。見到有間小店有飯糰 ，仲要標榜無味精 、無雞粉 、原味道 ，店員哥哥話都真係好多對面尚翠苑 ，隔離名逸居 嘅居民，因為呢個原因而幫襯，舖頭最近仲有啲特價飯，方便附近工友添。佢仲話自己食飯時間，都會想食公司嘅飯，因為住家手法都整得好好食。手撕雞冷麵 $58新鮮粟米、大量青瓜配素麵，感覺好清爽，加埋雞肉一絲絲，口感特別豐富。不過因為胡麻醬已經融入成個麵，所以就唔係太試到手撕雞本身嘅調味，下次要就咁叫一個手撕雞試下。健康素味飯糰 $36裡面有粟米、青瓜、紅蘿蔔、冬菇、菜脯，呢啲清清地嘅材料，本身都好適合餸飯，特別係煙韌嘅日本米。原來熱嘅醋飯，有少少分明嘅米粒，比變成壽司更好。跟住面頭有啲飯素，有日本風味之餘，都會令個飯糰味道豐富啲，唔會太寡。松葉蟹柳＋豬柳漢堡扒芝士飛碟、滑蛋、胡麻醬餐 $46原來飛碟同配料係分開嘅，唔係夾喺飛碟裡面。飛碟做得好脆，都有芝士香。蛋炒得有蛋味，但唔太油。胡麻醬原來係指冷麵，一樣清爽開胃。不過如果早啲知道，手撕雞就可以試其他口味啦！露兜水 $35呢樣嘢唔太常見，今次俾佢幾個功效吸引左：解肝熱虛火、清除毒素、降血糖、補脾
手撕雞冷麵 $58
新鮮粟米、大量青瓜配素麵，感覺好清爽，加埋雞肉一絲絲，口感特別豐富。不過因為胡麻醬已經融入成個麵，所以就唔係太試到手撕雞本身嘅調味，下次要就咁叫一個手撕雞試下。
手撕雞冷麵
$58
4 views
0 likes
0 comments
健康素味飯糰 $36
裡面有粟米、青瓜、紅蘿蔔、冬菇、菜脯，呢啲清清地嘅材料，本身都好適合餸飯，特別係煙韌嘅日本米。原來熱嘅醋飯，有少少分明嘅米粒，比變成壽司更好。跟住面頭有啲飯素，有日本風味之餘，都會令個飯糰味道豐富啲，唔會太寡。
松葉蟹柳＋豬柳漢堡扒
芝士飛碟、滑蛋、胡麻醬餐 $46
原來飛碟同配料係分開嘅，唔係夾喺飛碟裡面。飛碟做得好脆，都有芝士香。蛋炒得有蛋味，但唔太油。胡麻醬原來係指冷麵，一樣清爽開胃。不過如果早啲知道，手撕雞就可以試其他口味啦！
松葉蟹柳＋豬柳漢堡扒
芝士飛碟、滑蛋、胡麻醬餐
$46
4 views
0 likes
0 comments
露兜水 $35
呢樣嘢唔太常見，今次俾佢幾個功效吸引左：解肝熱虛火、清除毒素、降血糖、補脾健胃
之前都講過成日喺街食飯，呢啲功效好需要，飲落本身無咩味道，之後有蜜棗嘅香味，有清潤嘅感覺，有下次。
自家湯 $11
附近工廠嘅食客話好想飲湯，附件工廠食堂都有好多有味精嘅湯賣，唔健康，所以店主就開始賣湯啦！舖頭裡面嘅湯係雞湯為主，今次係粟米湯，飲落好清，就係屋企嘅感覺。唔會好似出面嘅湯咁，例湯無論落咩材料，都係同一種味道。
自家湯
2 views
0 likes
0 comments
總數$186
Post
