Video
Read full review
2013-05-01
417 views
今日媽媽竟然話出去晚餐~~仲同埋親友一齊食原來係出發去新蒲崗, 順便去參觀下堂哥既新辦公室~上去坐完, 堂哥就提議去食呢間迎月其實之前我都曾經黎食過午餐, 因為媽媽就係附近工廠返工但就未試過食小菜喇, 今晚終於可以一試!今次由堂哥發板, 本來好想叫辣酒煮花螺既佢見到今晚既孖寶餐, 就轉左馱喇, 哈哈!!!我地就叫左TOTAL 6 樣野~第一樣登場係黃金蝦!呢個黃金蝦就比較濕, 冇好似南山村個間整得咁乾身...不過個縠上面既味道就非常好, 好香蛋黃味呀!!真係要LAM乾淨個蝦殼先得咬開蝦身, 反而就冇咩味道...不過蝦肉都好爽口,同埋中型SIZE, 啖啖肉!!第二樣係孖寶餐既 - 避風塘魷魚拼鱔條一黎到, 除左紅色一大遍既辣椒同蒜粒, 真係乜都睇唔到XDD隔開少少D配料, ER...好似唔太搵到D主角喎...魷魚都搵到3-4條, 但鱔就真係完全失蹤左喎!!!得返D蝦乾同腰果.....呢個菜當小食送啤酒過下口癮就好, 但要送飯真係完全失敗了!!!說好的鱔條呢!?!?!??! 第三味既哥哥推介既南乳雞!!當佢黎到既樣, 同我想像既有D唔一樣喎我仲以為好似人地D咩風沙雞個D, 見到骨, 斬開一
原來係出發去新蒲崗, 順便去參觀下堂哥既新辦公室~
上去坐完, 堂哥就提議去食呢間迎月
其實之前我都曾經黎食過午餐, 因為媽媽就係附近工廠返工
但就未試過食小菜喇, 今晚終於可以一試!
今次由堂哥發板, 本來好想叫辣酒煮花螺既佢
見到今晚既孖寶餐, 就轉左馱喇, 哈哈!!!
我地就叫左TOTAL 6 樣野~
第一樣登場係黃金蝦!
呢個黃金蝦就比較濕, 冇好似南山村個間整得咁乾身...不過個縠上面既味道就非常好, 好香蛋黃味呀!!
真係要LAM乾淨個蝦殼先得
咬開蝦身, 反而就冇咩味道...不過蝦肉都好爽口,
同埋中型SIZE, 啖啖肉!!
第二樣係孖寶餐既 - 避風塘魷魚拼鱔條
一黎到, 除左紅色一大遍既辣椒同蒜粒, 真係乜都睇唔到XDD隔開少少D配料, ER...好似唔太搵到D主角喎...
魷魚都搵到3-4條, 但鱔就真係完全失蹤左喎!!!
得返D蝦乾同腰果.....
呢個菜當小食送啤酒過下口癮就好, 但要送飯真係完全失敗了!!!
說好的鱔條呢!?!?!??!
第三味既哥哥推介既南乳雞!!
當佢黎到既樣, 同我想像既有D唔一樣喎我仲以為好似人地D咩風沙雞個D, 見到骨, 斬開一件件個D
佢呢個外型成個炸雞球咁, 好搞笑
食落口, 雞肉仲好嫩~~雖然係炸不過唔係好油~
好厲害既功夫!!!
之後..等左好耐好耐..好耐好耐..其餘既餸都未登場..
唔知係咪因為煲仔唔夠用呢...
哈哈, 好彩同經理講左一下, D餸就陸續登場喇!
呢個係貼係牆推介既乾燒雜菌牛柳粒煲
WOW~~好有鑊氣呀, 上左煲仔仲ZA ZA聲~~上到台香噴噴, 即刻試食~~
食左D雜菌~~好入味呀!!!! 佢雖然濃味, 但唔係過咸個種
岩岩好, 尤其係對D菌類簡直FIT哂!!!
牛柳粒都好出色, 件件都有返咁上下睇頭, 唔會變迷你牛牛XD
成個煲都好好味, 好夾呀!! 不過上左台真係要快手撈撈佢
因為個煲真係好熱, 唔整下個底, D菇真係會燶哂呀!!
之後上場係啫啫通菜煲, 其實係等位個陣見到人地嗌, 好吸引!!所以都ORDER左一個試下~~
都係好夠鑊氣, 同家庭式既炒通菜真係無得比!!!
如果佢蝦醬味再多返DD就好喇, 而家食落就淡口左D~~
壓軸既係孖寶套餐既蒸扇貝!
本身個餐得4隻, 但因為我地6個人唔夠分, 就額外加左2隻!嘩呢個扇貝真係要讚下, 好有心機
佢有心機既位置係, 平時一般街外食既, 都係就咁放D粉絲蒜上去
有時D粉絲可能乾左, 有時D扇貝肉可能一D味都冇, 因為都索唔到D蒜既味道
但迎月呢個就見到佢應該將蒸左既扇貝起左肉出黎, 用少少獻汁上過
先再鋪返粉絲同蒜係上面, 所以食落口, 所有野都係入味既!!!
而且個扇貝肉唔韌, 品質值得一讚呀!!
總括黎講, 呢度既菜式都多, 但份量就偏細..
始終佢價值算係大眾份, 個孖寶餐都只係138...算抵食!
不過佢上菜既速度要提高下喇, 唔係個白飯凍哂, D餸都未黎到呀!!XD
Post
