上海美食之家

Open Now

Now Closed

成日經過都無機會試，今日終於試到，為大家報告。小籠包：一籠六粒，即叫即蒸。皮夠薄夠滑。餡就一大舊肉，湯唔多，唔係唔好食，不過似食肉包多過似小籠包。上海粗炒麵：油份算少，麵質彈牙，椰菜同肉絲的份量比較少，個汁就似乎甜咗少少。菜肉雲吞：最欣賞佢跟好多白菜仔，湯底淡，感覺唔錯。菜肉雲吞嘅真身就一般啦。酸辣湯：佢屬於舊式深色的酸辣湯，唔係好辣，材料都足，不過唔係全部都切絲，所以食落有啲有趣的感覺。另外飲咗豆漿，呢個比較差，好淡兼無豆味，麻麻地。總結，整體水準好一般，不過勝在家庭式風味，無好似其他食評講到咁高評價。