味十味 (Closed)

一上到嚟，個大門係木門閂實，冇窗，完全望唔到入面，唔係朋友帶我上嚟嘅話，自己嚟應該會掉頭走😅Menu樣樣有啲，沙律、串燒、意粉、釜飯等。未叫野食已經俾左呢個小食先，一啖仔意粉，意粉好彈牙，雖然凍左，但都唔會拿埋一住👍🏻Draught係sapporo，非常好。一個好普通嘅芝麻醬沙律，個汁好好味！！撈得均勻，每一塊菜都沾上麻醬😍串燒一般啦，青椒仔苦苦地，係個肉丸最好食👍🏻散叫全部要兩串起，嗌set反而樣樣有啲，人少少嘅話就試多幾樣開心啲。釜飯都要等幾耐，見住佢放埋一邊慢慢煲熟，份量係一碗多少少，好細兜下。味道我覺得都係普通，不過不失啦。嚟呢度食野唔係特別好食，但勝在地方細細可以傾下計。