Video
Read full review
2010-09-14
20 views
6月15日, 端午節前夕, 最好就平生偷得半日閒, 請埋假就仲好添~ 所以我同呀菲都趁機偷下懶, 黎大坑行下食下野~ 呀菲對呢間西式小店絕不陌生, 因為係呢度嘅大廚教識佢食carbonara, 仲令呀菲從此愛上咗呢個意粉! 雖然細舖搬大舖, 但仍然好家庭式. 地方唔大, 不過我地2點幾先黎所以有好多位, 成家人咁嘅侍應仲食緊晏晝飯添. ::: Combo for 2-3 persons ::: $178左睇右睇, 都係呢個$178餐最抵食! 平時可能唔會叫, 因為成日都好趕咁, 不過今日難得有假期, 可以hea住咁食, 人都開心d~::: Chicken Wings & Garlic Bread :::先黎小食, 雞翼啱啱炸起, 一咬落去真係好熱, 不過真係十分惹味, 雞翼皮雖然炸粉唔多, 但係炸到好脆, 肉地都好鮮嫩~ 蒜蓉包亦係剛焗起, 佢比平時d片狀蒜蓉包黎得厚切, 香脆程度不下於雞翼, 蒜蓉牛油仲好香添~ 作為開胃小食真係非常冇得彈~::: Caesar Salad :::沙律份量夠晒足, 沙律菜亦好鮮~ 加上caesar sauce同芝士碎, 俾到一種好濃郁嘅感覺, 配埋新鮮
::: Combo for 2-3 persons ::: $178
左睇右睇, 都係呢個$178餐最抵食! 平時可能唔會叫, 因為成日都好趕咁, 不過今日難得有假期, 可以hea住咁食, 人都開心d~
::: Chicken Wings & Garlic Bread :::
先黎小食, 雞翼啱啱炸起, 一咬落去真係好熱, 不過真係十分惹味, 雞翼皮雖然炸粉唔多, 但係炸到好脆, 肉地都好鮮嫩~ 蒜蓉包亦係剛焗起, 佢比平時d片狀蒜蓉包黎得厚切, 香脆程度不下於雞翼, 蒜蓉牛油仲好香添~ 作為開胃小食真係非常冇得彈~
::: Caesar Salad :::
沙律份量夠晒足, 沙律菜亦好鮮~ 加上caesar sauce同芝士碎, 俾到一種好濃郁嘅感覺, 配埋新鮮沙律菜又好夾, 增添一份鮮味~ 另外麵包粒都好好食, 好脆呀~ 正!
::: Spaghetti Carbonara :::
意粉感覺比較硬身咗d, 其實係做到al dente, 不過對我黎講淋番少少會易接受, 而家變得要用力去咬d意粉… 味道黎講算唔錯, 醬汁好thick令意粉好容易沾上汁液. 略嫌芝士味道重咗d, 傳統Carbonara嗰種蛋汁味反而被遮掩住.
::: Pesto :::
叫咗嘅pizza竟然唔記得影相…!! 太為食喇我地…… 不過pizza就應該係成餐最麻麻地嘅一樣. 餅底太淋喇, 又唔脆又好薄wor, 令到整塊pizza都條條fing… 而pizza料又好濕, 好似冇乜點焗過… 雞肉同煙肉味道尚算濃, 加埋羊奶芝士味道都ok, 但係真係好似只係將熟咗嘅料放上麵包度… 整體pizza反而做得唔好…
原本想食埋甜品, 但係竟然所有甜品都冇賣喇!! 佢地應該放棄咗呢一環唔做. 如果食西餐食埋甜品都好正常, 咁樣做反而會少咗生意之餘, 隔離嘅甜品店仲受惠咗.
其實呢度每一樣都食到有家庭風, 唔會落好多香料或者味精~ 服務都幾親切, 店舖細細卻做到街知巷聞, 係有佢原因嘅~ 不過pizza做得唔好, 就令我地有d卻步.
Post
