SUN HARU (順寧道) (Moved) New Location

#SUN HARU (長沙灣)似係家庭式經營的小小韓國餐廳，牆壁上嘅塗鴉係熱門韓劇魷魚遊戲。都好有韓國當地小店感覺。前菜有泡菜豆芽。泡菜好好食，偏辣偏酸好好食，最鐘意食呢種口味嘅泡菜。雞中翼$68/6隻炸得酥脆，面層淋滿了蜜糖芥茉，甜甜香香。就算放凍咗，都keep到脆口。泡菜煎餅$78大大一片，厚度有兩隻筷子咁厚，粉漿比例較多，食落口感軟糯。五花腩炸醬麵 $78平時睇韓劇見到主角食就會好想食，要食到雪雪聲同食到成個咀都係，彈牙嘅麵甜甜嘅醬汁再加五花肉薯仔。蜜桃乳酪沙冰 $26沙冰打得好細滑，蜜桃同乳酪配合得唔錯☺️唔太甜幾好飲，仲要大大杯，都幾值得飲。