江南庭敘 (Closed)

爸爸話想同我食餐好, 叫我去發板搵間好味火鍋..咁岩見到Instagram有人tag呢間江南庭聚係佢食過最好食既火鍋,雖然價位唔算平, 但係佢講到咁誇張搞到我都想試試, 睇相都好似好吸引咁見好多人都話呢度位置較難搵, 不過我地渣車覺得都OK~呢間火鍋店係甲級寫字樓入面, 都幾大, 座位好寬闊, 裝修都幾企理~訂左位準時入座咯!呢度既餐牌係用電子餐牌, 都幾多野食, 尤其是海鮮類, 真係比出面多~除左火鍋配料, 仲有好多小食呀, 好似南乳豬手呀, 皮蛋呀都有~我地叫左麻辣火鍋, 點左響鈴, 手打四寶丸, 豬四拼盆, 順德鯇魚腩, 唐生菜, 牛白肉~先講湯底, 正呀, 佢唔算好辣口, 但係食完成條脷麻哂~~ 好爽豬四拼盆 $288有豬頸肉, 豬脷, 肉眼筋, 豬潤。份量唔算好大份, 不過兩個人食夠食有餘喇!呢度D豬幾好食, 尤其是豬頸肉, 肉味香得黎幾有咬口, 唔錯~牛白肉 $128牛白肉係接近橫膈膜既軟骨位, 平時係街好少食到, 因為一隻牛得一斤左右白肉,所以好難買到。難得呢度有得食, 都係百幾蚊, 仲平過普通手切, 叫左一碟黎試。果然口感同平時D牛肉唔同, 肉質比較爽脆有口感, 幾好味