宅蝦池室內釣蝦場 (Closed)

我個人來講好鍾意食泰國嘅大頭蝦，但係除咗泰國可以食到，喺香港其實好少喺街市可以買到。唯一就係釣蝦場會見到呢一種蝦。香港有嘅釣蝦場唔係好多，我都係去過一兩個，而呢個我嘅感覺係比較舒適休閑。佢就真係用釣嘅方法，唔會係係個場入邊亂咁拖就會拖到。池入面係見唔到底，所以係唔會見到有蝦，全靠技術同埋運氣先至可以釣到。我釣左一個半鐘頭左右，就釣到有六隻，我朋友仔就多d。其實見唔到底都係一件好事，因為見唔到底的話，蝦都唔會見到你，所以啲蝦就冇咁驚會容易啲上釣。呢度嘅客係釣到幾多就食幾多，我釣到嘅數量雖然唔算好多，但係店主非常之好人都會比多一兩隻我食。我今日就揀咗最簡單好味嘅鹽焗蝦。咁樣嘅鮮味係最好食嘅，原汁原味。除咗釣之外，呢度仲會有卡拉OK，遊戲機可以玩遊戲，如果釣到悶嘅時候，可以去玩下呢啲，再番轉頭釣蝦，都可以消磨大半日，放假嚟不錯。