翠園 (德福廣場) (Closed)

早兩日約咗屋企人去 #德福廣埸 飲茶，點知原來 #美心皇宮 裝修緊👈🏻👉🏻仲要話明五月頭 #美心 先開返度門做生意，#小秘書 唯有退而求其次去樓上間 #翠園。#翠園 試過有一排食物質素好差，所以我哋都無幫襯 #翠園 一段時間。撞正今日度度都爆棚，我哋就比個機會佢😌 服務員將我哋十個人安排坐咗喺張八人枱，確實有啲逼夾😪 呢度雖然冇阿姐推車埋點心，不過勝在即叫即蒸食物好新鮮！#魷魚鬚 我至愛，廚師將 #魷魚 炸得不油不膩、又夠粗身🤩 其他仲有 #奶黃包、#鯪魚球 都做得好有水準🤩#翠園 價錢始終比 #美心皇宮 貴咗啲，10個人齋係比茶錢都要$140😅 但係 #翠園 人手嚴重不足，好多時都要揮手幾分鐘先有服務員應機😪 管理層都好應該轉吓陣喇！