翠園 (德福廣場) (Closed)

2023復活節假期第3天，亦是港鐵今年第2個半價日，和媽媽出去走走，乘港鐵到九龍灣德福商場吃、逛。先吃午餐，美心皇宮門口堆滿等位的客人，2人細枱要等12張，等了15分鐘，1張都沒叫，就到樓上翠園看看，竟然有位，立即安排入座，surprised！是日午餐，點了以下的：＃普洱茶：濃而不澀，挺順喉的。＃燒味雙拼飯：點了叉燒拼豉油雞，兩樣都肉嫩juicy，好吃！＃蠔皇鮮竹卷：饀料滿滿，腐皮吸收了醬汁，yummy！＃鵪鶉蛋燒賣：懷舊點心，媽媽說好味！挺好的假日午餐。

即興約同幾位長輩食飯，中菜都係比較適合，因為AE card有優惠，所以揀左九龍灣德福翠園，即日位book枱都有位啊！相隔幾年再到訪，認為食物質素有稍稍改善，花雕雞夠入味，肉質嫩滑。節瓜筒個湯好清甜，飲左好多！薑茶湯丸個湯好夠薑味，不過份量較少。🔸蟲草花涼拌鮑螺片 $68🔸菠蘿咕嚕肉 $138🔸十年陳釀花雕雞 半隻 $168🔸瑤柱蝦乾節瓜筒 $128🔸蝦籽琵琶豆腐 $138🔸一品砂鍋飯 $128🔸桂花杞子糕 $31🔸蛋白杏仁茶 $38🔸薑茶湯丸 $38

在德福飲茶，唔知點解翠園就係特別少人，所以在其他茶樓無位嘅情況底下我哋揀咗翠園😂😂完全唔使等就入得，姐係人少啦😆😆入到去人都唔少🤣我哋主要叫咗點心，叫了一個燒味飯，食得飽飽。其實食物都OK，帶子菜苗餃比較好食、珍珠雞都唔錯，燒賣都OK，其他點心都普普通通啦。我們叫左4人份量食物，埋單$467.5，唔係特別平。餐廳侍應服務普通啦，叫了好耐沖水都未沖咁，可能同假日人手真係唔夠有關😆😆呢個真係可以改善。😒

有AE信用卡優惠，翠園是家常便飯不錯的選擇，每人不用$200☺️今晚點了蟹肉蟹籽伊麵（份量足，濕濕地、易入口、幾開胃）、粟米石斑塊（份量少，但質素正常嘅）、菠蘿咕嚕肉（正常份量及好味）、蟲草花涼拌飽螺片（清爽）及酒香醉鴨脷（夠淋及很香酒味）、蒜子火腩扣大鱔（份量足及美味）、三色腰豆糕（真材實料），整體食物質素是不錯的，不過如果想顧客長期幫襯，可能酒樓要多諗一啲特別嘅菜式了！

跟一班朋友到來翠園中午飲茶，本來對他的點心沒太大期望，後來反而很有驚喜，點心的用料非常新鮮，吃起來口感和味道一流，非常好吃 座位空間亦非常寬敞，我們也享受一頓的午餐

對於家人來說，菜式上的調味、環境的佈局，以及一杯熱熱的茶，那便是信心的保證。除此之外，不間斷推出時令菜式、優惠套餐，令家人難以推卻。(1) 金沙䱽魚球絕對建議菜式，適合「食肉獸」的朋友。將切好的厚實魚塊，包裹金沙咸蛋黃的糖衣，加上蘇脆口感。不過，咸蛋黃難免多油，能夠有四人或以上共享，減少飽濟感。(2) 薑蔥海參爆花膠典型席客菜式。粒粒飽滿蒜頭引發香氣、砂鍋將海參及花膠保留最佳風味和溫度。配上白米飯也不為過。(3) 蟹籽蟹肉燴伊麵看似華麗，但這個嚐起來比一般干燒伊麵更普通。雖說蟹籽豐富口感，令外型更為吸引。但是，蟹肉過少、芡汁與伊麵並不融合。總括來說，能夠品嚐一般在家中難以烹調的菜式，實屬難得。位置稱得上雅座，但眼見菜式逐漸沽清，未必令各個家庭得償所願。然而，廚部因疫情或銷售情況，未能提供新鮮蟹，有點失望。

Wait time: we booked for a 1pm weekday table a week in advance. If no booking, definitely need to wait at least 30 minutes during lunch timeEnvironment: typical local style franchise Chinese restaurant Food: the dim sum and Chinese sit fry dishes were well prepared. Nothing too bad to say.Service: GoodPricing: alright Recommend: yes

Omicorn令到飲食業雪上加霜 星期日的早上 去了以前門口很多人在等位的翠園 竟然是靜悄悄的 進入後發現入座率只有大約3成 服務員也在很空閒地站著美心集團大多已改為掃描二維碼下單 方便又快捷 兩個人要了4款點心 最欣賞是粟米魚肚粥 味清甜 超多魚肚 粥底靚 還配有小段炸麵煎釀三寶 包括青椒 豆腐 茄子各2件 青椒釀花膠 其餘是鯪魚肉 大件又抵食柚皮蒸鳳爪 味道可以 最開心是配柚皮 我愛呢 吸了醬汁 十分好味瑤柱炸兩腸粉 反而是較差 咬下去一口油 又不脆口 雖然如此 但優比劣多呀即使是同一集團 每一間分店的出品也有差別 我個人覺得將軍澳那間較差 而今日德福就不錯呢

🏮年廿九出街搵食, 都知道會好多人, 可能接近2pm, 但係又未到下午茶時段, 經過這裏只等了三數張枱,便好快有位！✨原來這裏的點心選擇也不比這商場樓下的美心皇宮少種類也繁多的😍酒香醉鴨脷醬汁味唔太鹹鴨脷爽口有口感叉燒酥熱辣辣上枱,餡料十足酥皮夠脆柚皮蒸鳳爪因為想食柚皮,所以叫這個點心沒有失望, 柚皮是大大塊的😋牛肉腸粉腸粉皮夠薄,牛肉滑口👍鵪鶉蛋燒賣細細粒的鵪鶉蛋,好有蛋味薑茶湯圓一般的芝麻餡湯圓略嫌薑茶唔夠薑味及太甜鴛鴦南瓜斑蘭糕班蘭味的還算ok南瓜味的只是像一般鬆糕

今晚喺德福商場幫屋企人買嘢，行到攰攰哋，想食中菜，又想搵一間坐得舒服嘅，結果揀咗《翠園》，叫咗三餸一湯，落單時要求所有餸少油少鹽少糖～米湯雲耳浸菜遠呢個菜清清地，雲耳爽滑，米湯底清甜可以當湯飲翡翠蟹肉瑤柱羹呢個湯羹嘅‘稀杰度’適中，蟹肉、瑤柱、豆腐非常足料，幾飽肚喎～蝦籽琵琶豆腐琵琶豆腐外層薄脆，入面軟滑，加埋蝦籽提升鮮味！再加幾條菜伴碟，呢餐絕對食得健康，多菜少肉🤗銀絲乾堛廣島蠔🦪粉絲炒得夠乾身，日本廣島蠔鮮味仲有好多芹菜粒添 （可惜，我唔鍾意食芹菜，唔食芹菜嘅朋友🙌🏻，落單嘅時候記得要走芹菜）之前食過一次，但嗰一次唔記得叫三少，今次就啱晒我口味喇！呢間🌟星級有營食肆真係能夠應客人要求做到少油少鹽少糖！抵讚呀！

翠園出品不過不失,星期六同屋企人去咗德福翠園食,星期日就預咗貴㗎喇，不過都嗌咗好多嘢食，有鳳爪，叉燒包，叉燒包熱辣辣，同埋xo醬炒蘿蔔糕，xo醬好惹味，仲嗌咗個燒腩仔飯，燒腩仔脆卜卜， 肥瘦相間，都幾推介。

可以食到呢度嘅叉燒包絕對有一種幸福嘅感覺點解呢因為一籠叉燒包熱辣辣的放上枱面仲係出晒煙摸上手都係熱辣辣的麵包嘅麵粉非常香甜亦都10分滑溜叉燒包麵包嘅香甜加上叉燒嘅油咁簡直配合得天衣無縫 雖然一籠入面只係得兩個但係唔緊要啦如果人人都鍾意食嘅話嗌兩三籠都冇問題啦另外另外梗係要嗌返個香煎蘿蔔糕依度嘅蘿蔔糕真係用心製造條條蘿蔔好有咬口同埋新鮮嘅感覺 煎左出嚟之後10分香口簡直有一種過年嘅感覺鍾意新年嘅你哋不妨馬上來試一試

一行九人坐 D區，叫左個 $3680 套餐，諗住佢哋嘅分量一向比較細，應該食得曬，最後都打包左幾盒野拎走。海哲乳豬，海哲夠冰凍都幾爽脆。翡翠帶子蚌片，西蘭花幾多下，帶子啱啱熟，吾錯。脆奶蝦球，蝦球外層沾滿沙律醬，好醒胃，應該系成個套餐最好食嘅。龍蝦湯蟹肉燕窩，味道十分古怪，不倫不類。蒸雙斑，菜單沒有寫是一條定兩條，結果上枱是兩小條，不過都冇乜所謂，蒸嘅時間啱啱好。鮑魚扣花菇，個汁真係好糊，有點倒胃。花膠瑤柱菜苗，試左少少，完全冇味。燒雞，落左大量豉油汁，變咗隻雞完全吾脆。荷葉飯，冇試。薑茶湯圓，首先吾熱，薑茶有啲苦，可能d薑吾靚，粒芝麻湯圓就正正常常。加了一支大啤酒，另前菜/茶/加一，共$4400。

有時候天氣太熱，好像是這個夏天，站在廚房煮晚飯真的是超過40度高溫，所以每逢阿媽擺煮，我們都會揸車來九龍灣翠園， 貪有免費泊車。今晚我們沒有散叫，反而試試套餐，套餐有蝦伊麵，以及花膠，都唔錯。

燒腩仔好吃，皮脆肉嫩，果然是廚師推介。海螺燉白肺，好清潤，好味，螺肉好「林」。蟶子王炒海蝦，蟶子鮮味，唯一是好小份量，切一小段段食，不是太多。花雕雞，酒味香，但肉有點「鞋」，可能要凍食好啲，即係上海店的食法。花膠菜苗，煮得太「林」了，欠了些薑、蒜頭去辟走那些草青味。蟹肉燴伊麵，真有唔少蟹肉係到，味道不錯。蟹肉珊瑚煎元貝，元貝鮮味而且大粒，厚肉，正！翡翠炒班球，正常水準。加埋甜品，蛋白杏仁茶，都幾好味😋服務方面，最先是有不足之處，叫極都無人來寫菜，要客人行出去找部長寫菜。我們即時反應呢個問題，他們也有好的回應，立刻有一個同事睇返住附近嘅枱。