Video
Read full review
2022-05-26
1071 views
黎呢度飲茶就飲得多，食晚飯反而係第一次。今晚我哋兩家人訂咗半席套餐+訂咗間房仔，間房仔比我想像中細好多，基本上就係放得落一張8人枱同10張櫈就完。套餐包有10道菜+糖水1.脆皮極品燒鴨王：因為有熱住所以燒鴨保持香脆同肉汁，唔會食食吓又乾又凍咁2.美極王煎海生蝦：有少少失望，因為蝦偏細隻…3.龍蝦湯海皇花膠翅：食唔到龍蝦味，味道就係only膠翅。4.花膠花菰扒翡翠：可能我見識少，唔知佢呢種花膠係乜品種，質感同味道都唔係我杯茶～5.醬王螺片炒珊瑚蚌：珊瑚蚌兩三塊，西芹脆口，不過整碟菜味道較辣，食到媽媽hihi 😂6.清蒸游水大海石斑：石斑肉質軟滑，不過條魚唔够熱，可能出得唔够快7.白切貴妃雞：凍晒～8.鮑汁金菇炆伊麵：熱度够，味道唔錯9.黑松露蛋白炒飯：松露味好够，飯够乾身10.金瑤什茵三層樓：呢道菜係套餐中我覺得最好食嘅。豆腐應該係玉子豆腐，炸完外脆內軟，面頭有一層海苔紫菜，食落口感層次十足。最尾仲有紅豆沙甜品，味道唔會太甜，加上可能太耐無食紅豆甜，我覺得好好食除咗半席套餐，我哋仲叫咗兩道菜：咕嚕肉及茄子🍆，個茄子出乎意料地好食😋總結而言，菜色略為普通，只有一兩道較為出色。不過作為家庭聚
套餐包有10道菜+糖水
1.脆皮極品燒鴨王：因為有熱住所以燒鴨保持香脆同肉汁，唔會食食吓又乾又凍咁
2.美極王煎海生蝦：有少少失望，因為蝦偏細隻…
3.龍蝦湯海皇花膠翅：食唔到龍蝦味，味道就係only膠翅。
4.花膠花菰扒翡翠：可能我見識少，唔知佢呢種花膠係乜品種，質感同味道都唔係我杯茶～
5.醬王螺片炒珊瑚蚌：珊瑚蚌兩三塊，西芹脆口，不過整碟菜味道較辣，食到媽媽hihi 😂
6.清蒸游水大海石斑：石斑肉質軟滑，不過條魚唔够熱，可能出得唔够快
7.白切貴妃雞：凍晒～
8.鮑汁金菇炆伊麵：熱度够，味道唔錯
9.黑松露蛋白炒飯：松露味好够，飯够乾身
10.金瑤什茵三層樓：呢道菜係套餐中我覺得最好食嘅。豆腐應該係玉子豆腐，炸完外脆內軟，面頭有一層海苔紫菜，食落口感層次十足。
最尾仲有紅豆沙甜品，味道唔會太甜，加上可能太耐無食紅豆甜，我覺得好好食
除咗半席套餐，我哋仲叫咗兩道菜：咕嚕肉及茄子🍆，個茄子出乎意料地好食😋
總結而言，菜色略為普通，只有一兩道較為出色。不過作為家庭聚會嘅酒樓，呢度環境唔錯，位置亦十分方便。
Post
