Fat Angelo's (Closed)

放假，也得抽一天陪屋企人吃餐飯。西餐來說，老豆對Fat Angelo's 情有獨鍾，加上又有VIP卡，今餐就來呢間。坐底，服務生先奉上麵包及沙律。呢度既巨型麵包是我媽媽的最愛，塗上大大舊既牛油，佢每次都要吃兩個先肯收手。事實上，麵包確是鬆脆可口，牛油亦十分香，是最佳的餐前小食。只是我食力有限，最多也只會吃半個。至於沙律，也是不錯，生菜、蕃茄、欖、洋蔥等，感覺新鮮。點菜仍是由老豆負責，其實佢次次都係點個幾樣。海鮮大會是指定動作，材料有蜆肉、青口、魷魚鬆、魚塊等海鮮，可以鮮甜、爽口去形容。醬汁是微酸的蕃茄汁，幾醒胃的，比起白汁更為出色。伴碟還有幾片蒜茸包，點蕃茄汁食更加冇得彈。其次是蟹肉天使麵，又是用上蕃茄醬做，麵質爽口彈牙，蟹肉份量充足而且極具蟹味，我頗欣賞的。仲有叫左吉列雞胸，上次在荃灣分店食過，大家都讚不絕口，所以今次encore，今次同樣沒有失水準。雞皮再加上芝士，特別香脆可口，雞肉則嫩滑鬆化，孜不失雞味，的確好掂。最後一味咸點是豬肋骨，可以選配蜜糖醬或燒烤醬，總覺得甜甜的Honey Sauce與豬肋骨是天生一對，所以也揀了蜜糖醬。豬肋骨不會燒至乾柴柴，同埋肉質不致過硬，味道也很好