佳慶大酒樓 (Closed)

家庭聚餐好地方 - 佳慶大酒樓好耐都無去探婆婆，而婆婆中意食中菜 ，為左就腳，就揀左呢間酒樓食午飯 。午市開11點，但 我地去到夠11點入面又仲有坐位都竟然吾俾我地入去坐住等 係門口等左5至10分鐘左右先入得去，其實對行動不變既長者係一種懲罰，希望餐廳會注意呢點吧 ! 入到去坐低後，都好彩馬上有服務員招呼你， 周圍環境幾好 ，夠光猛，又 夠哂冷氣， 夠大，坐得幾舒服既。我地去到時間尚早，人吾多 ，我地幾個大人叫左10個小點左右， 都已經食到好飽啦，仲有剩，最後都係由我夾硬食埋 ! 特別推介個龍蝦焗伊麵 ，我見到有好幾台都會叫 呢個，可能因為將經過上湯烹調的芝士放係龍蝦上面，龍蝦既鮮甜汁液又流入伊麵，令伊麵都充滿海鮮的滋味，整體非常好食而且都算抵食。 成餐飯d侍應都算好有禮貌 ，招呼周到 ，其他點心都好好味， 好岩我阿媽同婆婆口味， 之前上FEEHK度睇到評語話呢間酒樓唔掂當 ，所以其實一直都唔敢幫襯， 今次都驚中伏，但最後竟然有意外驚喜喔 ! 點心款式多而且價錢合理 份量正常偏大，特別係山竹牛肉球， 除左食午飯， 呢間酒樓原來仲有火鍋任食， 睇左張菜單都幾吸引 ，下次出開黎黃大仙，都可