潮福蒸氣石鍋 (Closed)

最近好多飯局要食飯， 嚟緊又冬至又聖誕，所以推介一下啲好餐廳俾大家啦。食左潮福，係一家大細食飯首選，佢人人有得食， 先喺餐單選擇好自己想食嘅嘢， 有店員就會幫你蒸同分畀每一個人食，服務好好。食物種類都好多，先講海鮮，已經有四款自選， 有貴妃蚌 ，龍躉件 ，鮑魚，大蝦，桶蠔 ，象拔蚌，大元貝，聖子等，一定有岩你心水，全部好新鮮美味，即蒸即食又健康又好食。肉類都好多選擇，雞牛豬樣樣有，瓜菜都有不同種類，食到好飽都一定要食粥，好好食又好鮮甜，正。