客家好棧 (Closed)

同兩大長老食飯，星期日無得即日訂枱！6點半去到，唔使等即刻有位，大堂樓底唔算高，裝修光鮮！四人枱位置剛好在茶水間旁，店員出入頻繁，比較窄！菜式唔只客家，仲有好多港式菜！套餐都唔少！晚飯優惠自選套餐（$398）小食兩款（6選2）雞絲粉皮：麻醬好多，粉皮彈牙，加啲雞絲同爽脆青瓜！好味！陳醋雲耳：雲耳爽口彈牙，但陳醋唔夠濃，又醃得唔夠耐，入唔到雲耳入面！一般！客家原盅燉湯：冬瓜雞腳白菜湯：南瓜盅好睇唔好用，唔易𢳂湯！材料好多！質滿晒個盅！湯好清甜唔味精！好味！脆皮燒鵝（例牌）皮仲微脆，肉質唔實！點酸梅醬好味！自選小菜3款：燒腩仔：皮好脆，肉質juicy, 肥瘦相間！好味！欖角四肉末季豆：欖角味唔重，四季豆炒過火，淋晒，無乜咬口！一般遼步豬寸骨：一枝骨連肉，賣相唔錯！可以直接攞起食，外脆內軟，醬汁甜甜地！加上香料醃料入味！好食！甜品：竟然係百福豆腐花，小盒裝！感覺好慳水慳力！不過味道係唔錯嘅！另外加了：瑤柱蛋白炒飯：材料多，瑤柱絲都好重手，蛋白大塊！飯粒粒粒分明！好味！店員好爽，因為座位在茶水間對出，個個店員都要經過，所以好易搵人幫手！幫手影相都好樂意！食物幾好，服務唔錯！個個都好滿意！