Video
Read full review
2021-10-29
450 views
要數代表到香港嘅美食，車仔麵一定榜上有名，可以自由揀餸同麵，啱晒唔同香港人嘅口味，喺車仔店林立嘅深水埗，有一間今年新嘅餐廳，除咗有車仔麵之外，仲有唔同嘅小食，而且仲有一款近排人氣爆燈嘅爆漿阿華田多士。聚來車仔麵係一間今年一月開業嘅車仔麵小店，餐廳係深水埗基隆街，聚來嘅意思係邀請各位再嚟，招牌名已經好好客，入到去更加感受到，因為餐廳係家庭式經營，待客人好似待屋企人咁。小店目標係提供乾淨、健康、唔加味精嘅嘢食，良心製作每一碗車仔麵，令食客食得開心。餐廳除咗主打車仔麵，仲有提供好似蔥油雞扒飯、煎餃子等港式美食，價錢貼地，呢排仲有招牌嘅名物爆漿阿華田西多士，切開有流心阿華田醬。平日夜晚7:30去到餐廳嗰時已經坐滿左，所以要喺出邊等，等咗差唔多一至兩個字就入到去，等嘅時候見到門口有塊黑板餐牌寫住西多士已經好肚餓。入到去餐廳環境算幾新淨，店舖唔算好大，不過座位都算舒服，燈光夠光猛，以車仔麵店來講算唔錯。招呼我哋嘅竟然係老人家，係一個婆婆同一個公公，即刻感受到家嘅味道，雖然佢哋行路唔快，不過想落單嘅我絕對有耐性。可以睇到枱上嘅餐牌有兩塊，有一塊係全日供應嘅飯餐同埋下午茶餐，因為今日想食車仔麵同小食所
聚來車仔麵係一間今年一月開業嘅車仔麵小店，餐廳係深水埗基隆街，聚來嘅意思係邀請各位再嚟，招牌名已經好好客，入到去更加感受到，因為餐廳係家庭式經營，待客人好似待屋企人咁。小店目標係提供乾淨、健康、唔加味精嘅嘢食，良心製作每一碗車仔麵，令食客食得開心。餐廳除咗主打車仔麵，仲有提供好似蔥油雞扒飯、煎餃子等港式美食，價錢貼地，呢排仲有招牌嘅名物爆漿阿華田西多士，切開有流心阿華田醬。
平日夜晚7:30去到餐廳嗰時已經坐滿左，所以要喺出邊等，等咗差唔多一至兩個字就入到去，等嘅時候見到門口有塊黑板餐牌寫住西多士已經好肚餓。
入到去餐廳環境算幾新淨，店舖唔算好大，不過座位都算舒服，燈光夠光猛，以車仔麵店來講算唔錯。
招呼我哋嘅竟然係老人家，係一個婆婆同一個公公，即刻感受到家嘅味道，雖然佢哋行路唔快，不過想落單嘅我絕對有耐性。
可以睇到枱上嘅餐牌有兩塊，有一塊係全日供應嘅飯餐同埋下午茶餐，因為今日想食車仔麵同小食所以就冇睇，第二塊就係車仔麵同埋小食，車仔麵有得揀套餐或者每個餸同麵咁嗌就，套餐就平啲不過餸嘅選擇少啲，小食方面最多人嗌嘅係炸肉丸同埋煎餃子。
另外牆上面都有好多圖片同埋Menu，可以見到招牌嘅西多士唔止係下午茶有，仲有得全日供應，不過下午茶就會包嘢飲，30幾蚊一個咁特別嘅西多士加嘢飲，價錢非常平民。
-
1️⃣ 招牌鮮煎餃子 💰40（👅: 8/10）
餃子喺呢度招牌，呢度有兩款餃子，分別係韭菜餃同椰菜餃，可以要求雙併口味，餃子都係自家製人手包，即叫即煎。
招牌鮮煎餃子
$40
9 views
1 likes
0 comments
上枱時見到啲餃子賣相好靚，隻隻都煎到金黃色，已經迫不及待想食。
招牌鮮煎餃子
$40
23 views
1 likes
0 comments
椰菜餃嘅味道比較清新，唔會好鹹，咬落去清爽，而韭菜餃味道濃郁啲，多啲鹹香味，兩個嘅菜肉比例算平均，會食到豬肉味，餃子食囉冇咩負擔，有啲似屋企人包嘅味道。
另外仲會有餃子醋俾你點，不過本身餃子味道足夠，醋可以用黎中和少少油膩感。
-
2️⃣ 招牌鮮炸肉丸 💰28（👅: 8/10）
另外仲叫咗個炸肉丸，份量唔少，有成10粒。
招牌鮮炸肉丸
$28
22 views
1 likes
0 comments
-
3️⃣ 車仔麵 💰58（👅: 8/10）
豬頸肉 💰13
牛筋 💰13
香辣魷魚 💰13
蘿蔔 💰9
秘製辣汁(中辣) 💰0
腩汁 💰0
粗麵 💰10
呢度主打車仔麵，所以叫咗碗黎試吓，湯底方面叫咗腩汁加秘製辣汁中辣，上枱嗰時秘製辣醬會淨係擺喺匙羹上面分開上，可以自己決定落幾多。
車仔麵
$58
23 views
1 likes
0 comments
車仔麵
$58
24 views
1 likes
0 comments
麵質方面揀咗粗麵，粗麵夠薄身就咬落去有彈性，係唔錯嘅麵。
餸方面我覺得最出色係蘿蔔，蘿蔔份量好多，切開咗有4、5舊，非常之腍，入口無渣，食落好清甜，如果加咗辣醬仲可以吸收佢哋精華。
豬頸肉都係有驚喜，因為佢係有煎過，食落有焦香，咬落夠爽口，不過會切到好細條，食一條唔夠過癮。
之後香辣魷魚都值得一試，相信係同小食嗰個魷魚係一樣，魷魚沾滿左醬汁，食落有蒜辣味，夠入味，辣味夠過癮，咬落都彈牙。
最後係我唔食嘅牛筋，牛筋非常之大條，有三條，三條入邊有兩條女朋友覺得問得炆得夠腍，唔使點咀嚼，另外一條就比較韌啲。
-
4️⃣ 凍檸茶 +💰5（👅: 7.5/10）
凍檸茶
$5
31 views
1 likes
0 comments
-
5️⃣ 爆漿阿華田西多士 朱古力榛子醬 💰33 + 2（👅: 8/10）
之後就到重頭戲，就係依度嘅招牌西多士，平時下午茶係人氣之選，夜晚都係全日供應，味道方面西多士入邊嘅餡可以揀花生或者朱古力榛子餡，我就揀咗後者。
爆漿阿華田西多士
$33
4 views
1 likes
0 comments
爆漿阿華田西多士
$33
33 views
1 likes
0 comments
-
🌟食物來講，每樣嘢食都唔錯，煎餃喺呢排食到嘅餃子店來講算唔錯，因為佢皮夠薄，食落唔會覺得好油膩，炸肉丸好似食緊炸洋蔥圈咁，而車仔麵嘅餸都發揮唔錯，最後嘅西多士非常有特色，如果去中間嘅煉奶可以多啲令到成個西多士濕啲應該會更加重口味更加好食，見到佢仲有個士多啤梨西多士，不過太飽食唔到，下次有機會嚟到會想再試。
餐廳除咗係家庭式經營，仲可以令到食客有家嘅感覺，會主動問下食客覺得好唔好食，因為餐廳係收九點，有食客九點先到但都仲可以落單食嘢，會主動問佢落咗單未，而且同其他食客有傾有講，食客仲同佢哋講今日咁旺場，睇得出佢哋無論係對待食客，定係製作食物都係非常用心，走嗰時招呼我哋依然係公公婆婆，仲有睇落年紀唔少嘅收銀、同應該負責廚房嘅媽媽，聽講有時仲會有小妹妹落黎幫手，喺深水埗區來講係值得支持嘅小店。
-
👅味道: 8/10
🍴環境: 7/10
💰消費: $40-80pp (服務費: NA)
Post
