鄧媽媽過橋水餃 (Closed)

位於葵芳嘅葵涌廣場，除左係一個非常地道嘅購物中心之餘，亦都係一個美食天堂。比較多人提及嘅係佢哋嘅小食同飲品，不過其實仲有好多店舖係非常之抵食。我自己都幾鍾意去呢間鋪頭食湯飯。另外呢度嘅煎餃都係非常抵食，大大隻十分足料。今日為食，叫埋煎雞翼。對於我哋呢啲冇住家飯食嘅人，間唔中嚟呢度食飯都有啲似返咗娘家。菜式唔使好特別，唔需要好浮誇嘅宣傳，只要食得飽，簡簡單單就好。仲有一樣好神奇嘅地方係，佢哋會記得邊一個客啲咩嘢食，收銀嘅老闆無論幾忙都係咁有禮貌，敬業精神亦都係值得一讚。