豐味石磨腸粉 (Closed)

睇雜誌介紹多間石磨腸粉，其中一間喺屋企附近，今日放假就近近哋去試吓石磨腸粉，10点鐘去到，見到舖仔細細，舖外有兩張摺枱已坐滿人，唯有外賣返家慢慢嘆order咗平價套餐牛肉腸粉+柴魚排骨花生旺菜(細)，其實都只是比散叫平$1。眼見都有唔少人叫外賣，等咗大約5分鐘就有得攞啦都算快。大約10分鐘路程返到屋企，好肚餓即刻開動。牛肉腸粉仍然熱，腸粉好滑，但就少了一份黏糯口感，食到係用新鮮牛肉剁碎，牛肉有牛肉味豉油用膠盒仔另外盛裝着，免得耐咗腸粉底部過咸豉油應該是自家調較的，不是出面一般的甜豉油但個人喜歡甜豉油多啲。柴魚排骨花生旺菜卻令我喜出望外，可能因為很足料，細細碗的粥有5粒排骨，除了柴魚亦有豉味(旺菜係似豉類的乾貨)，沒有加味精都很好味，有家的味道。總括而言，石磨腸粉味道是可以的，但不是預期的好味。反而旺菜粥有驚喜，會為旺菜粥再來。