Js Kitchen (Closed)

今日去咗一間喺上環嘅新cafe食lunch，這裏佈置好清新，具空間感，枱與枱之間唔迫，幾舒服。呢度嘅餐牌選擇唔算多，主食得五款。今日我們試咗黑椒豬扒長通粉、雞絲花膠炒烏冬、雞粒煙肉炒飯和蕃茄雞蛋沙律三文治配春卷。先來一碗自家花膠燉湯，無味精，連鹽都冇落，可以因應自己嘅口味，加點桌上嘅海鹽。四款菜式之中，我最鍾意蕃茄雞蛋沙律三文治，味道好清新，春卷炸得香脆。雞絲花膠炒烏冬用上大大塊嘅花膠，店員話花膠係佢哋自己喺舖頭浸發嘅。炒飯夠乾身，粒粒分明，而豬扒長通粉嘅黑椒汁好惹味。😋每個餐還配有一杯熱飲，我選擇了紅棗桂圓茶，夠曬養顏。朋友揀咗牛奶咖啡，食飽慢慢歎杯熱飲，好relax。