閨•家 (寶榮大廈) (Closed)

主打無味精的住家式小店-閨.家 炮台山店晚飯時間要等位是常識吧！入面係粉紅色系裝修，好girly的感覺。每日不同款的老火湯，套餐會包一碗小size，單點就$28有大size。當日係星期二，蟲草花百合無花果煲豬展，清甜滋潤。小食有涼拌海蜇手撕雞（$38），麻醬味濃。咖喱豬扒飯（$50）及香煎蓮藕餅豬扒飯（$50），前者咖喱味濃可撈飯，後者煎蓮藕餅好香口又飽滿，撈豉油汁食一樣惹味。連油菜（$12），人均$70左右已經好滿足。