好想來美味餃子館

Open Now

Now Closed

新年嗰排真係大魚大肉咗好耐，呢排真係要食返清淡少少清吓腸胃。小朋友上課外活動之前搵啲嘢食，見到呢間餐廳清清地食餃子，重好近學校一於試吓。一碗餃子麵幾十蚊，我點咗韭菜豬肉餃，配呢度最出名嘅蘭州拉麵，韭菜識落好香，蘭州拉麵幾有咬口，湯底好清，飲唔出有味精，食落好似以前婆婆整餃子嘅味道，好味。小朋友叫咗香菇豬肉餃，同埋蔥油撈麵。餃子皮薄饀多，食得出粒粒香菇，點埋豉油同醋食都幾好味，但最驚喜係蔥油撈麵，香蔥連埋豉油配搭得好好，我哋都係揀咗蘭州拉麵，呢款拉麵用來做撈麵，感覺比做湯麵更加好味。