長龍食府 (Closed)

要知道現今好多人屋企都係無＂飯＂家庭，成日出街食好肥膩又重味精。長龍食府既蒸送，強調少糖、少油、少鹽，及絕無味精，每次我想lunch食得健康都一定會黎食！裝橫都係走簡約路線，佢既蒸送都係家常小菜，無花巧既擺碟，平平實實，令你有屋企飯既感覺。佢未夠１２．３０就已經爆滿，不過可能去既通常係自己一個（佢大部分位都係面璧），所以就算要等都好快有位。佢係先落單比錢然後搵位坐低，侍應就會端上飯菜，慳返等侍應落單、同埋要自己拎餐搵位既時間同煩惱！