Video
Read full review
2022-09-13
55 views
今晚過左灣仔覓食😋🔎麻辣涼粉夏天食涼粉做頭盤真係非常之好，天氣炎熱的情況下，食左頭盤都相當消暑。order左以下野～3樣餸望落去都勁辣😂麻辣雞鍋未拎到埋枱已經聞到香味，有少少攻鼻的雞煲，味道非常濃郁，驟眼見到雖然係二人份量，但係都有超過12至13舊雞，另外仲有青瓜同埋白蘿蔔做配菜，解膩之餘亦都係一個非常好的配搭。火爆牛肉絕對冇改錯名，亦都係驚喜十足的火爆牛肉，我驟眼望落去已經知道呢一個火爆牛肉唔惹少，食落去少少酸酸甜甜，有少少似中式牛柳，喺甜味都未完全散去嘅時候，後勁非常凌厲，去到買單俾錢的時候，個嘴都仲麻緊😂干鍋菜花菜花同豬腩肉好夾，菜花🥦乾身得嚟又夠淋，打開仲有少少菜汁，夾埋青椒一齊食，正！菠蘿藍精靈本身聽個名都唔知係乜嘢嚟🤣嚟到嘅時候發現原來係菠蘿加椰汁冰，清新得來又唔會話好甜，最適合解辣用！珍寶大檸茶真係冇改錯名，呢一杯珍寶檸檬茶除咗份量珍寶之外，連檸檬都係珍寶，用咗接近¾個檸檬，真係真材實料✨
今晚過左灣仔覓食😋🔎
麻辣涼粉
夏天食涼粉做頭盤真係非常之好，天氣炎熱的情況下，食左頭盤都相當消暑。
order左以下野～
3樣餸望落去都勁辣😂
麻辣雞鍋
未拎到埋枱已經聞到香味，有少少攻鼻的雞煲，味道非常濃郁，驟眼見到雖然係二人份量，但係都有超過12至13舊雞，另外仲有青瓜同埋白蘿蔔做配菜，解膩之餘亦都係一個非常好的配搭。
火爆牛肉
絕對冇改錯名，亦都係驚喜十足的火爆牛肉，我驟眼望落去已經知道呢一個火爆牛肉唔惹少，食落去少少酸酸甜甜，有少少似中式牛柳，喺甜味都未完全散去嘅時候，後勁非常凌厲，去到買單俾錢的時候，個嘴都仲麻緊😂
干鍋菜花
菜花同豬腩肉好夾，菜花🥦乾身得嚟又夠淋，打開仲有少少菜汁，夾埋青椒一齊食，正！
菠蘿藍精靈
本身聽個名都唔知係乜嘢嚟🤣嚟到嘅時候發現原來係菠蘿加椰汁冰，清新得來又唔會話好甜，最適合解辣用！
珍寶大檸茶
真係冇改錯名，呢一杯珍寶檸檬茶除咗份量珍寶之外，連檸檬都係珍寶，用咗接近¾個檸檬，真係真材實料✨
Post
