家香 (Closed)

有咩慘過放假都要晨咁早碌返公司附近，仲要無了期咁等待 直到任務完成，悲憤既心情促使我要食個CHILL BRUNCH去安撫下心靈。之前同朋友食過一次LUNCH SET覺得幾健康味道唔錯。原來星期六日同晚黑食既係FUSION菜，好多都想試，但我得一個胃。所以叫左兩款覺得比較特別既。梅菜肉餅流心蛋上檯一刻心情大悅，有擺盤真開心～梅菜豬肉包裹糖心蛋再上炸漿炸脆，流心蛋口感細軟，外層炸得夠香脆，但略嫌味道比較淡。東坡牛肋骨擺盤一樣係好精緻。牛助骨入味又好腍，唔駛刀都可以輕易切開。調味都係偏淡少少，亦因此冇蓋過牛味，整體滿意。