Video
Read full review
2016-09-20
1313 views
食完旺角大隻佬碟撈麵根本唔夠飽，太少喇！唯有直接返上水整多個下午茶補補倉啦。走到老遠發現有間大酒樓成三層高添，梗係要試啦。估唔到有我致愛既燉湯供應，獲奬無數？真的嗎？傳統點心、新派菜色、創意小點，跟一般酒樓差不多啦。流沙奶皇包，熱辣辣而且手感非常好，好彈手呢。千萬不可以成隻啪入口，如果撞上岩漿般的奶黃，真係條脷都熟架 ﹗小心地搣開查看，白煙直噴，奶黃緩緩流出，剛好燙嘴不過份。香甜奶黃散發極濃厚奶油蛋黃芬芳，棉棉滑滑、軟軟塾塾，而且包味十足，好好食啊。口水雞，大肥雞帶著肥膏及厚皮，有點油膩喎。雞味略淡，雞肉乾而腍，混上微辣帶酸又帶甜既口水汁，花生味濃有趣，算合格。腐皮卷，炸得乾爽鬆化，似酥皮又似千層，好得意呢 ﹗香口夾著爽蝦肉碎都唔錯。灌湯餃，普普通通沒甚麼的驚喜。巨形餃子，厚厚餃皮包著蝦肉、豬肉、冬菇、迷你瑤柱，大大啖兜埋上湯灌入口，熱騰騰帶香帶甜，合格。蟹子燒賣，真材實料又有 heart，結實瘦肉不油膩，不會滿口肥豬，醃味濃厚有肉香，不嗆不咸不過份，啖啖肉又滲著肉汁，十分滿足。水晶蝦餃，蒸得原整無缺熱燙燙的蝦餃，餃皮嚥韌微黏包著原粒爽彈蝦仁，食得滋味。豉汁鳳爪，濃濃豉汁、厚厚甜味，損
流沙奶皇包，熱辣辣而且手感非常好，好彈手呢。千萬不可以成隻啪入口，如果撞上岩漿般的奶黃，真係條脷都熟架 ﹗小心地搣開查看，白煙直噴，奶黃緩緩流出，剛好燙嘴不過份。香甜奶黃散發極濃厚奶油蛋黃芬芳，棉棉滑滑、軟軟塾塾，而且包味十足，好好食啊。
口水雞，大肥雞帶著肥膏及厚皮，有點油膩喎。雞味略淡，雞肉乾而腍，混上微辣帶酸又帶甜既口水汁，花生味濃有趣，算合格。腐皮卷，炸得乾爽鬆化，似酥皮又似千層，好得意呢 ﹗香口夾著爽蝦肉碎都唔錯。
灌湯餃，普普通通沒甚麼的驚喜。巨形餃子，厚厚餃皮包著蝦肉、豬肉、冬菇、迷你瑤柱，大大啖兜埋上湯灌入口，熱騰騰帶香帶甜，合格。蟹子燒賣，真材實料又有 heart，結實瘦肉不油膩，不會滿口肥豬，醃味濃厚有肉香，不嗆不咸不過份，啖啖肉又滲著肉汁，十分滿足。
水晶蝦餃，蒸得原整無缺熱燙燙的蝦餃，餃皮嚥韌微黏包著原粒爽彈蝦仁，食得滋味。豉汁鳳爪，濃濃豉汁、厚厚甜味，損腳趾皮爽肉彈都不錯。
荷葉飯，飯粒都係有點濕，唔夠乾爽，炒得唔夠香口，味道可以再調濃一點。有蝦、有肉，材料再豐富一點就更好食呢。懷念陽光一代極美味荷飯，係食到就算勁飽都要食晒去先停口，童年回憶啊 ﹗整體點心真係做得不俗，好味道又經濟實惠，環境寬落，坐得舒服，質數同金御差不多！稻香、海港 bye bye 啦！
椰子海底椰響螺燉雞湯，氣味芬芳飄飄，連隔離檯阿叔最到都流晒口水，仲投以凌厲既羨慕目光添 ﹗熱騰騰出晒煙，材料塞得燉盅滿滿，小心亦亦地淺呷一口。椰子味跟肉味同樣突出，味道非常香濃，響螺味就偏淡。夠晒火喉，湯汁雖然有點油，但尚算清徹，質感黏稠極美味，連飲三四碗都未夠喉啊。Menu 稱金都大廚係燉湯之皇，仲獲奬無數添，梗係要試試啦，果然不是浪得虛名。
金菇炆伊麵走韮黃走蔥，其實都幾齋下。已經重複講足五次，但侍應姐姐似乎完全唔明我講咩，真係請您返大陸進再進修過廣東話啦，激鬼死。最終送上芽菜芹菜炆伊麵，仲要食唔到有金菇，芽菜就勁多！伊麵完全吸收晒芽菜既水份同腥味，食唔到其他味道，微弱豉油味幾乎食唔出，試食左兩注腍劈劈伊麵，成碟掉去垃圾桶，sorry 喇。
懷舊雞絲春卷，即叫即炸非常鬆脆新鮮，咬開輕煙緩緩升起，掉在喼汁上打滾，讓她微微降溫。酸甜香口又脆卜卜，食得出雞絲味道與質感，無投訴。
四寶雞紮，點解無魚肚既？師傅漏左？侍應阿姐偷食左？特價點心所以無？冬菇、火腿、蟹柳、雞柳，正確食法係唔應該拆開續件食架，要一啖咬齊所有材料先叫紮麻，咁先可以食到雞紮既神髓！分開雞又點會係紮呢。堅係好熱啊，淥親條脷添！十二分好味，四種質感搭乘四種味道，超必殺極甜美既混合。雞柳棉滑加上醃味可口、冬菇味濃彈牙滑滑、火腿結實帶咸香、蟹柳腍而索晒肉汁，被香口嚥韌腐皮擁抱著！無得彈，大滿足，有魚肚就更好啦！
滷水豬腳仔，實在太咸，係咪浸左好多日？可否有order先浸呢？撇開味道，骨膠原連肉一齊食，爽爽的又彈彈的，既 juicy 又食得過癮。好多調味料，蝦餃配辣醬、辣油，再燒賣配辣醬、辣油。辣椒油比辣椒醬好味喎，辣醬味道怪怪的，而且有點咸。
流沙奶皇包
11 views
0 likes
0 comments
流沙奶皇包
28 views
0 likes
0 comments
口水雞
36 views
0 likes
0 comments
腐皮卷
19 views
0 likes
0 comments
灌湯餃
29 views
0 likes
0 comments
灌湯餃
31 views
0 likes
0 comments
蟹子燒賣
38 views
0 likes
0 comments
水晶蝦餃
42 views
0 likes
0 comments
豉汁鳳爪
40 views
0 likes
0 comments
荷葉飯
36 views
0 likes
0 comments
椰子海底椰響螺燉雞湯
30 views
0 likes
0 comments
金菇炆伊麵走韮黃走蔥
23 views
0 likes
0 comments
懷舊雞絲春卷
25 views
0 likes
0 comments
四寶雞紮
15 views
0 likes
0 comments
滷水豬腳仔
23 views
0 likes
0 comments
Post
