千府·居食屋 (Closed)

今日係勝利道附近買完寵物用品，順便食個晚飯，見到呢間新開日本餐廳裝修風格夠哂日式，而且價錢唔貴，一於去試下。餐廳座位唔算太多，以富士山為主題，仲未有得返鄉下，黎呢度就當自己去左富士山。金槍魚赤身壽司 (兩件)、赤蝦壽司(兩件)、真鯛壽司(兩件)、文甲魷魚壽司(兩件)金槍魚赤身呈紅色，食落有口感，鮮甜、赤蝦彈牙爽口、真鯛肉質軟熟，魚味香濃、第一次食文甲魷魚，比起普通魷魚更香，更爽脆。日本黑豚肉腸、日本黑豚腩肉黑豚肉腸燒到外脆內軟，好香口，而黑豚腩肉略嫌肥羔偏多，不過肉質好軟熟。千府一品厚切牛舌芯牛舌芯好爽脆，帶有好香濃牛味。西班牙伊比利亞黑毛豬叉燒配半熟溫泉玉子黑毛豬叉燒果然比一般叉燒更好食，叉燒燒到好香好甜，帶少少微焦，入口即溶。日本黑豚肉炒麵飯第一次食炒麵飯，原來炒麵飯意思係麵加飯一齊炒，又幾有新意，味道似平時大阪燒口味，食落都幾特別。宇治抹茶十勝紅豆布丁抹茶好香，造型十足十富士山一樣，紅豆亦香甜。初戀富士呢杯係限定飲品，見到隔離檯飲緊好靚，忍唔住叫左，味道係柚子梳打配埋乳酸底，店員會即場係面前整一個泡泡，泡泡係蘋果味。