熱沙咖啡

Open Now

Now Closed

作為馬灣居民，後悔認識呢間小店認識得太遲。食物、咖啡都唔錯，又有可愛嘅毛小孩店長，所以有鍾意毛孩嘅朋友到訪我都會帶佢哋嚟食。（又唔會限住幾時要交枱）芝士烤雞焗薯：唔會好乾同硬，好香口，最愛cheese+ cream cheese +燒雞嘅組合，又有沙律，好豐富，但一個人食會好飽，最好share食（咁先試到多啲野嘛）chicken kebab: 我地三個人食所以叫佢地切開三份，雖然食得有啲「le hea」，但個汁甜甜酸酸好開胃，呢個都係有沙律炸雞條（原本個名唔記得係乜，但類似麥樂雞的東西），味道係OK嘅，免治雞肉炸到脆咁，但冇汁點就幾乾下hot cappuccino: 我request 要有少少糖但飲到最底唔會覺得好甜hot mocha: 朱古力味較重，較甜，唔係好有咖啡味, 都係cappuccino 好味🙏🏼如果堂食佢哋唔係用即棄紙碟紙盒就更好。P.S. 毛小孩店長唔係日日喺度，睇吓你好唔好彩啦😍