Video
Read full review
2015-05-03
413 views
晏晝係土瓜灣學完車，鬼c咁肚餓又突然好想食雞煲打邊爐。係open rice search下附近有乜好介紹，見到有間叫打邊爐海鲜火鍋燒烤店個名幾過癮，即係一次過可滿足曬我幾個願望! Call 埋老婆出黎撐枱腳先！7點鐘左右到！原本想食海鮮火鍋同埋小菜，但侍應話佢地啲菜好大份量，兩個人食唔到咁多，寧願我地下次黎再試。真係好難揀，樣樣都想食.....聽了侍應推介，我地點咗個鮮活烤魚（出面食過好多次，多數係用鯇魚或最多用桂花魚做；呢度用沙巴龍躉咁富費，都只係368，咁抵緊抵要試啦！）再加個招牌臘味煲仔飯。我再confirm夠唔夠食，連老闆都叫我放心，一定夠飽！等咗一陣先上條魚。嘩！好大條下，以我釣魚經驗應該有兩斤幾重。就老婆要少辣但個湯都好惹味，條魚吸收唒個辣辣地嘅湯，非常入味；仲要佢係肥嘟嘟，啖啖肉，肉質比脆魚和桂花爽口。食完烤活魚用沙巴龍躉上，真係好難食返轉頭！食下食下連魚頭都食埋！咪講笑，兩個人食一條魚真係好夠飽！跟住就食埋招牌臘味煲仔飯，侍應拎過來已經聞到陣陣飯焦味同埋臘味嗰陣油香味；真喺口水都流埋！侍應一打開煲蓋，就更加難忍；先試一碗，加上特製豉油，果然不同凡響！飯焦卜卜脆，啲臘味喺
7點鐘左右到！原本想食海鮮火鍋同埋小菜，但侍應話佢地啲菜好大份量，兩個人食唔到咁多，寧願我地下次黎再試。真係好難揀，樣樣都想食.....聽了侍應推介，我地點咗個鮮活烤魚（出面食過好多次，多數係用鯇魚或最多用桂花魚做；呢度用沙巴龍躉咁富費，都只係368，咁抵緊抵要試啦！）再加個招牌臘味煲仔飯。我再confirm夠唔夠食，連老闆都叫我放心，一定夠飽！
等咗一陣先上條魚。嘩！好大條下，以我釣魚經驗應該有兩斤幾重。就老婆要少辣但個湯都好惹味，條魚吸收唒個辣辣地嘅湯，非常入味；仲要佢係肥嘟嘟，啖啖肉，肉質比脆魚和桂花爽口。食完烤活魚用沙巴龍躉上，真係好難食返轉頭！食下食下連魚頭都食埋！咪講笑，兩個人食一條魚真係好夠飽！
跟住就食埋招牌臘味煲仔飯，侍應拎過來已經聞到陣陣飯焦味同埋臘味嗰陣油香味；真喺口水都流埋！侍應一打開煲蓋，就更加難忍；先試一碗，加上特製豉油，果然不同凡響！飯焦卜卜脆，啲臘味喺野：好香油香，口感鬆化又唔肥。此刻男人的浪漫，果然係臘味煲仔飯！
好味！兩個人食到飽飽兼食埋富貴沙巴龍躉五舊水有找，真係自己煮都唔只！下次真係要揾埋其他朋友試下個花甲肉蟹鍋，見隔離枱食真係好正！仲有本地手切牛頸脊 、醉雞煲等等等等....
Post
