Seoulmate (京都廣場) (Closed)

已經開業多年既Seoulmate憑住與時並進既菜單同可愛既裝修一直係銅鑼灣既韓國餐廳中名列前茅。一入門口左邊牆上就有大大幅既壁畫，呢幅畫係啱啱2020年先加上，好有香港特色，另外頭頂上既白燈全部都係得意雲公仔。 魚餅年糕卷 vs 煙肉芝士腸卷 $68 7/10魚餅卷和芝士腸卷梅花間竹地排列在竹籤上，排首位的魚餅卷率先衝入我既嘴，魚餅的魚香十足，同煙韌既年糕相得益彰接住就係充滿肉香既芝士腸卷，炸得比較耐，令煙肉幾脆。兩款間隔住咁食，唔會太大罪惡感。 烤棉花糖配年糕多士伴雪糕 $68 8/10甜品非常出色，棉花糖外脆內軟。將年糕多士切開時，拉絲力度好夠食既時候如果唔小心，仲會比拉絲打中添，玩味十足紫薯拿鐵雪山 $46 8/10成杯飲品睇得又飲得，頂上既芝士奶蓋真係好似岩漿咁流落黎，仲有可可粉撒係面，水吧哥哥好用心。芝士奶蓋的甜鹹適中，入面第二層係鮮奶，底層係紫薯汁，建議食完奶蓋後拌勻黎飲，口感好豐富。