Video
Read full review
2018-11-27
174 views
呢兩日無啦啦有小寒流襲港，天氣凍凍地約朋友聚會有咩好得過平平哋、又可以任飲任食任吹水嘅放題吖？！今次試吓呢一間韓燒放題店環境都算幾舒適，而且仲有好多兩人卡位，最啱歸密們密密食密密傾。呢間放題有三個價錢俾我哋選擇，而我哋志在吹水嘅當然揀咗個最平嘅任食放題餐啦。雖然叫咗個最平嘅set，但係其實都好豐富，睇吓個餐牌就知有雞、牛、豬、海鮮、熱食樣樣齊。韓式泡菜一點完餐服務員就即刻送上幾款韓式泡菜，同即刻開爐幫我地加爐邊蛋漿，真係幾好服務。其實值得一讚嘅好服務就仲有服務員係非常主動的不停地幫我地更換鐵板咁我哋就唔使烤到啲食物燶晒啦，真係非常之值得讚！牛肉類作為食肉獸嘅我哋食焼肉一定係食牛先啦！牛都有好多種唔同嘅部位，而我我哋就最喜歡烤LA牛排骨。呢度嘅肉都淹制得好入味，肉質又夠林，燒到香口之後再包上生菜一齊食就一啲都唔熱氣啦！豬五花腩有原汁原味嘅厚切，同有用唔同醬汁醃製的薄切腩肉，兩者各有特式，口感一流。海鮮類海鮮類有帶子、生蠔同蝦，而最特別係有鰻魚，將日式鰻魚放喺韓式鐵板上燒返熱嚟食，佢除咗有原本嘅鰻魚香味之外，仲增添左一份燒烤嘅香味又幾特別！兩舊水都唔使就可以任飲任食其實性價比真係幾高，所以
今次試吓呢一間韓燒放題店環境都算幾舒適，而且仲有好多兩人卡位，最啱歸密們密密食密密傾。
呢間放題有三個價錢俾我哋選擇，而我哋志在吹水嘅當然揀咗個最平嘅任食放題餐啦。
雖然叫咗個最平嘅set，但係其實都好豐富，睇吓個餐牌就知有雞、牛、豬、海鮮、熱食樣樣齊。
韓式泡菜
一點完餐服務員就即刻送上幾款韓式泡菜，同即刻開爐幫我地加爐邊蛋漿，真係幾好服務。其實值得一讚嘅好服務就仲有服務員係非常主動的不停地幫我地更換鐵板咁我哋就唔使烤到啲食物燶晒啦，真係非常之值得讚！
牛肉類
作為食肉獸嘅我哋食焼肉一定係食牛先啦！牛都有好多種唔同嘅部位，而我我哋就最喜歡烤LA牛排骨。呢度嘅肉都淹制得好入味，肉質又夠林，燒到香口之後再包上生菜一齊食就一啲都唔熱氣啦！
豬五花腩有原汁原味嘅厚切，同有用唔同醬汁醃製的薄切腩肉，兩者各有特式，口感一流。
海鮮類
海鮮類有帶子、生蠔同蝦，而最特別係有鰻魚，將日式鰻魚放喺韓式鐵板上燒返熱嚟食，佢除咗有原本嘅鰻魚香味之外，仲增添左一份燒烤嘅香味又幾特別！
兩舊水都唔使就可以任飲任食其實性價比真係幾高，所以同朋友都決定下次再嚟嘅時候要食豪小試最貴嗰個餐，試試佢嘅醬油蟹、醬油蝦等等等等嘅貴價食物係咪真係咁好味先，下次試完再話比大家知！
Post
