赤柱酒家 (Closed)

寒流來到得番二度，真的不想出街，但晨早凍醒加上肚內的為食蟲大叫，唯有在附近開餐，這間赤柱唯一的舊式酒樓，食乜點心要睇緣份，有乜出就食乜，唔好強求唔好多選擇，而且過左十點就未必再有點心出，總之一切隨緣。鮮蝦腸粉：蝦肉尚算新鮮爽口，不算大隻，米漿有味但不算滑，有質感分量那種。鳳爪骨飯：一般啦，排骨都算新鮮，不似雪藏貨。蝦餃：皮不錯，內裡像舊式的碎蝦肉加荀粒，味道ok。鴨腳：重味野，蒸得夠淋。雞扎：ok, 好似包魚肚(但形狀似豬皮), but 味道不錯。沖沖飽餐後要立即回家冬眠了。