Video
Read full review
2013-12-18
5955 views
天寒地凍下，一連幾晚朋友聚會總離不開火鍋。今次和朋友補祝生日，所以特意於Openrice search 有特色嘅餐廳，一看之前兩則食評的相片十分吸引，就決定試吓韓國BBQ。可能較新，提早2日訂位都無難度,職員細心提醒限時90分鐘。7時到達，笠門一開即被餐廳內的裝修陳設吸引，熟口熟面！喺韓劇裡面常見嘅場景。牆身繪上不同圖案和漫畫; 桌椅跟韓國地道餐館一樣，以汽油罐作椅子，揭開坐墊可放隨身物件也可防止外衣沾上濃列燒烤味。落完order, 職員會放一盤子喺座位上，全部都喺韓國啤酒和燒酒，埋單時職員會點算飲咗幾多收幾多錢。食物好快到，送上一瓶玄米茶(不停refill)、一籃新鮮生菜和紫穌葉(可refill)、 前菜(泡菜、蓮藕、脆玉瓜)、醬料(麻油、麵鼔醬、生蒜片、青辣椒)、一碟洋葱圈和一碗凍湯。 3個人點咗: 黑豚面珠肉(韓國)、牛肉(加拿大)、雞柳，泡菜煎餅、一支燒酒(19%)。肉類雖然係急凍貨，但沒有過份醃料下都無雪味。烤板唔易燒焦，職員頻頻換烤版，所以食物都無乜燶。掃完一論食物隔離枱一班韓國人叫咗好多豬腩肉食得好滋味，心想一定喺好嘢嚟，所以後加一份豬腩肉和石頭飯（唔記得影）。果然好正，
可能較新，提早2日訂位都無難度,職員細心提醒限時90分鐘。7時到達，笠門一開即被餐廳內的裝修陳設吸引，熟口熟面！喺韓劇裡面常見嘅場景。牆身繪上不同圖案和漫畫; 桌椅跟韓國地道餐館一樣，以汽油罐作椅子，揭開坐墊可放隨身物件也可防止外衣沾上濃列燒烤味。
落完order, 職員會放一盤子喺座位上，全部都喺韓國啤酒和燒酒，埋單時職員會點算飲咗幾多收幾多錢。食物好快到，送上一瓶玄米茶(不停refill)、一籃新鮮生菜和紫穌葉(可refill)、 前菜(泡菜、蓮藕、脆玉瓜)、醬料(麻油、麵鼔醬、生蒜片、青辣椒)、一碟洋葱圈和一碗凍湯。 3個人點咗: 黑豚面珠肉(韓國)、牛肉(加拿大)、雞柳，泡菜煎餅、一支燒酒(19%)。肉類雖然係急凍貨，但沒有過份醃料下都無雪味。烤板唔易燒焦，職員頻頻換烤版，所以食物都無乜燶。掃完一論食物隔離枱一班韓國人叫咗好多豬腩肉食得好滋味，心想一定喺好嘢嚟，所以後加一份豬腩肉和石頭飯（唔記得影）。果然好正，肉身大概0.5cm 厚，肥瘦均衡，油份經燒烤熱力被迫出，肉身唔會太乾而兩面和皮都烤得脆卜卜，唔怪得班韓國人叫咁多啦。
抽風系統良好，落咗樓都唔覺濃列BBQ氣味，讚！
(5分最高）
特色 4.5
食物、味道 4
環境 4
服務 4
低食 3.5 (罐裝汽水有點兒貴)
Other Info. :
洗手間衛生達標，我俾B+!!
(The above review is the personal opinion of a user which does not represent OpenRice's point of view.)
Post
