Video
Read full review
2013-01-15
616 views
天氣凍就想同老公打邊邊, 佢依家喺火炭番工, 所以等埋佢收工就可以近近哋去呢度打邊邊啦! 我哋差不多8點去到, 基本上都已經坐滿晒人, 而且有好多人等緊位, 不過大部份都係成班人, 本來我哋都諗住放棄等位, 去周圍睇吓有咩食, 但其他大排檔啲o野唔係好啱胃口, 所以都係照等, 好在我哋兩公婆人少少, 所以等到8點半就有位啦!呢度係任食任飲汽水, 老公去攞咗好多o野食, 當然第一樣就係佢最愛瀨尿蝦啦! 啲蝦超生猛, 拎到埋枱仲不斷郁, 有一隻仲睇唔開跳咗落地. 不過老公呢個瀨尿蝦專家話呢啲蝦啲肉唔實又瘦, 不過放湯就可以令個湯好好味喎! 可惜呢晚冇蜆, 如果蜆個湯仲鮮甜呀!金菇、西洋菜、蕃茄、秀珍菇同冬瓜都好新鮮, 雲耳大朵唔會碎濕濕, 芋絲就散散哋, 不過任食嚟講都好好架啦! 而且選擇比其他酒樓任食火煱多, 所以非常滿意.我哋叫咗芫茜皮蛋湯, 其實之前我哋食過一次已經知道個"湯"其實係白開水, 而老公為咗要最後啖湯鮮味啲, 所以放晒啲料去滾, 務求有啖靚湯俾我煮烏冬. 老公真係好細心架!呢晚我同老公一路打邊邊, 一路飲啤酒, 一路傾吓偈, 坐到11點啲人都走晒, 好在老闆好好人冇趕我哋
我哋差不多8點去到, 基本上都已經坐滿晒人, 而且有好多人等緊位, 不過大部份都係成班人, 本來我哋都諗住放棄等位, 去周圍睇吓有咩食, 但其他大排檔啲o野唔係好啱胃口, 所以都係照等, 好在我哋兩公婆人少少, 所以等到8點半就有位啦!
呢度係任食任飲汽水, 老公去攞咗好多o野食, 當然第一樣就係佢最愛瀨尿蝦啦! 啲蝦超生猛, 拎到埋枱仲不斷郁, 有一隻仲睇唔開跳咗落地. 不過老公呢個瀨尿蝦專家話呢啲蝦啲肉唔實又瘦, 不過放湯就可以令個湯好好味喎! 可惜呢晚冇蜆, 如果蜆個湯仲鮮甜呀!
金菇、西洋菜、蕃茄、秀珍菇同冬瓜都好新鮮, 雲耳大朵唔會碎濕濕, 芋絲就散散哋, 不過任食嚟講都好好架啦! 而且選擇比其他酒樓任食火煱多, 所以非常滿意.
我哋叫咗芫茜皮蛋湯, 其實之前我哋食過一次已經知道個"湯"其實係白開水, 而老公為咗要最後啖湯鮮味啲, 所以放晒啲料去滾, 務求有啖靚湯俾我煮烏冬. 老公真係好細心架!呢晚我同老公一路打邊邊, 一路飲啤酒, 一路傾吓偈, 坐到11點啲人都走晒, 好在老闆好好人冇趕我哋走, 天寒地凍可以喺戶外打邊邊, 真係一大樂事呀! 但夏天就唔得啦! 一定熱死老公啫! 所以呢度對於我哋一定係冬季限定!
Post
