Video
Read full review
2009-12-29
1332 views
是日.. 寒風陣陣.. 又剛好約了一大伙人跟一些舊同事敍舊... 一想到街邊火鍋大排檔, 又諗起佢... 經過好幾次.. 都係爆場... 誇張到夏天都見到都有人 坐 o係街邊.. 誇到咁.. 所以就一早訂定位.. 一行九人.. 霸住張街邊大圓枱... 以我有限記憶, 叫左...- 蕃茄薯仔豬骨湯底- 手切肥牛 x 2- 特級肥牛 x 6- 黑豚肉- 雞肉- 雞腸 x 2- 鱔片 x 2- 蝦丸 x 2- 墨丸 x 2- 牛滑- 炸魚皮 x 4- 韮菜餃- 粟米 x 2- 竹笙- 烏冬- 唐篙- 唐生菜- 豆卜- 枝竹還有其他..太多, 不能盡錄...正常黎講.. 會係四至五人就一個鍋, 鴛鴦湯底亦係慣常動作. 今次我地見張枱唔夠大, 一個gas爐都用左唔少位, 就黎試下九個人一個鍋.. 揀一種湯底因為咁多人一齊淥, 就算叫鴛鴦都撈埋一齊架啦. 所以一個 "蕃茄薯仔豬骨" 齊齊分.. 簡簡單單嘅一種湯底. 味道冇其他地方 d 骨煲咁濃郁, 沒有什麼突出...其他食物相繼上場... 打邊爐大主角永遠都係佢 -> 肥牛.. $58 手切肥牛... 屬一般貨色, 肥肉分佈不甚平均, 手
以我有限記憶, 叫左...
- 蕃茄薯仔豬骨湯底
- 手切肥牛 x 2
- 特級肥牛 x 6
- 黑豚肉
- 雞肉
- 雞腸 x 2
- 鱔片 x 2
- 蝦丸 x 2
- 墨丸 x 2
- 牛滑
- 炸魚皮 x 4
- 韮菜餃
- 粟米 x 2
- 竹笙
- 烏冬
- 唐篙
- 唐生菜
- 豆卜
- 枝竹
還有其他..太多, 不能盡錄...
正常黎講.. 會係四至五人就一個鍋, 鴛鴦湯底亦係慣常動作. 今次我地見張枱唔夠大, 一個gas爐都用左唔少位, 就黎試下九個人一個鍋.. 揀一種湯底因為咁多人一齊淥, 就算叫鴛鴦都撈埋一齊架啦. 所以一個 "蕃茄薯仔豬骨" 齊齊分.. 簡簡單單嘅一種湯底. 味道冇其他地方 d 骨煲咁濃郁, 沒有什麼突出...
其他食物相繼上場... 打邊爐大主角永遠都係佢 -> 肥牛.. $58 手切肥牛... 屬一般貨色, 肥肉分佈不甚平均, 手切牛, 肉味不夠濃, 有少訐筋... 令我想起"力奇火鍋"果碟手切肥牛.. 雖然協盛收 $58 一碟肥牛很真的平很多, 不過 d 肉味簡直係天淵之別..
手切唔滿意, 一定要叫埋 $78 特級肥牛 先得.. 肥牛啊! 唯獨你在火鍋中是不可取替的~~
呢碟..特級肥牛.. 就對哂辨喇.. 薄薄的一片片, 雪花均衡.. .. 當然, 佐敦"合興" 嘅 $188/$288, 同 "春秋" 嘅 $288/$388 果d 雪花牛同佢比 梗係高佢幾班啦. 不過, $78 呢個水準, 仲一樣咁大碟.. 唔好諗太多喇, 已經係物超所值... 抵食抵食...
黑豚肉.. 圓圓的一片片, 剛好用上豬骨湯底黎淥.. 感覺似日式拉麵d 叉燒.. 未試過咁食法都幾過癮, 因為平時食拉麵得果一兩片, 今次想食幾多就幾多, 呵呵~
雞腸也抵讚.. 條條都肥大有膏, 很有份量, 食落雞油滿溢...
鱔片和竹笙, 如其他食評所言, 有水準.. 一定要叫~
另外有驚喜嘅係炸魚皮~ 大大片又脆口, 沒有太多碎濕濕的. 上一次食一碟咁有水平嘅魚皮係"春秋火鍋".. 我其中一間至愛火鍋店.. 很可惜.. 已不在了...
老友們談天說地, "烚下烚下" 咁就一晚, 總括黎講... 屬滿意嘅一餐
p.s. 由等湯滾, 再等d 野食黎, 再烚住等食, 一round 又一round.. 就咁由7:30pm 烚到11pm, 厲害!!
Post
