Video
Read full review
2023-02-20
446 views
諾士佛臺酒吧林立，想靜少少同朋友食個飯飲杯酒可以試下依間樓上bar，8點上到去都仲有位，見到佢地裝潢似足disco bar，紫色迷離嘅燈光令場面非常神秘，播住輕快嘅音樂令人即刻融入環境之中。店員安排咗角落位俾我地坐，每檯都有自己嘅私人空間，bar檯、高臺、卡位、梳化凳，任君選擇。頭盤：蘑菇湯及前菜（跟餐+$48）（⭐⭐⭐⭐💢）欣賞餐廳即叫即煮，上菜時熱辣辣，熱氣中更傳來蘑菇嘅香味，飲落有蘑菇粒，忌廉令個湯好滑，不得不讚碗碟高質打卡一流。沙律擺盤用心，煙三文魚同火腿都捲好對稱擺放，味道不錯，火腿乾身有咸香，中間的沙律菜簡單加了沙律醬，新鮮爽口。小食：自家製雞翼（$78）（⭐⭐⭐⭐💢）雞翼單骨上，方便我地一啖一支，炸到脆卜卜，但肉質依然嫩滑，味道偏鹹適合送酒，或著夾沙律食也可。小食：德國腸伴盤（$158）（⭐⭐⭐⭐⭐）三種德國香腸各有特色，外脆內軟，一啖咬落去滿滿肉汁，咸香味十足，配搭酸菜，中和番肥膩嘅感覺，如果有埋芥辣就更好。主菜：Margarita Pizza ($108)（⭐⭐⭐⭐⭐）筆者好鍾意食番茄，欣賞餐廳落咗大量番茄醬，面頭亦舖滿新鮮番茄，焗完後餅底鬆脆，番茄醬依然濃郁濕潤，芝
店員安排咗角落位俾我地坐，每檯都有自己嘅私人空間，bar檯、高臺、卡位、梳化凳，任君選擇。
頭盤：蘑菇湯及前菜（跟餐+$48）（⭐⭐⭐⭐💢）欣賞餐廳即叫即煮，上菜時熱辣辣，熱氣中更傳來蘑菇嘅香味，飲落有蘑菇粒，忌廉令個湯好滑，不得不讚碗碟高質打卡一流。
沙律擺盤用心，煙三文魚同火腿都捲好對稱擺放，味道不錯，火腿乾身有咸香，中間的沙律菜簡單加了沙律醬，新鮮爽口。
小食：自家製雞翼（$78）（⭐⭐⭐⭐💢）雞翼單骨上，方便我地一啖一支，炸到脆卜卜，但肉質依然嫩滑，味道偏鹹適合送酒，或著夾沙律食也可。
小食：德國腸伴盤（$158）（⭐⭐⭐⭐⭐）三種德國香腸各有特色，外脆內軟，一啖咬落去滿滿肉汁，咸香味十足，配搭酸菜，中和番肥膩嘅感覺，如果有埋芥辣就更好。
主菜：Margarita Pizza ($108)（⭐⭐⭐⭐⭐）筆者好鍾意食番茄，欣賞餐廳落咗大量番茄醬，面頭亦舖滿新鮮番茄，焗完後餅底鬆脆，番茄醬依然濃郁濕潤，芝士拉絲有驚喜，性價比高值得一試。
主菜：Carbonara（$168）（⭐⭐⭐⭐⭐）意粉用上linguine，粗身一點更有口感，意粉冇澱粉味，沾滿芝士白汁後味道濃郁creamy，帶少少風乾豬肉令整個意粉充滿肉香味。
餐廳擺盤精緻，餐具講究，食物有質素，朋友聚會之選。~~~~~~~~~~~~~~~~~~~~~~~~~~
寢宮 尖沙咀諾士佛臺10號5樓A-C室
👍地點方便
👍格調佈局
👍收工鬆鬆
Post
