Video
Read full review
2019-08-23
1237 views
地獄黑仔皇，沒有最黑只有更黑 ﹗早前放假專程搭的士到大埔希望一嘆高質清湯腩，居然休息 ﹗耐到忘記有幾耐無幫襯群記咯，我真係真係堅想食 ﹗某次星期六兩點幾到訪人山人海，依家同樣兩點幾，面前仲三十幾位食客家在排隊，只好照等吧﹗群哥好久不見了，如果不是射波請假，都極難有機會探探您。多年群記都是下午 1 點正才開檔，現提早到 12 點喎。沒有了油渣麵？沒有了鹼水麵 ？發現有牛鞭牛波子供應喎。多多規矩的清湯腩老字號 ﹗爽腩只限堂食，️食剩爽腩絕不準帶走，️最低銷費 $45 蚊，️不準攜帶外來食物，不設雙併，️不設加湯。我都想加規矩喎 ﹗食客不準喧嘩大聲說話、不準講電話、不準開電話鈴聲、不準開喇叭睇片打機聽歌、不準食剩食物﹗記得以前餐牌係中英對照喎，何解轉成只有中文版呢？還有何解豉油樽上貼住醬油字樣呢？反對大陸化，反對赤化香港，捍衞廣東話，捍衛繁體字，捍衛香港文化﹗餐牌只有伊麵河粉米粉，已經無賣麵？查詢下原來仍然有幼麵粗麵供應，太好喇﹗清湯腩售價比潮州腩貴多兩三倍，應該因為質素、供應、工序、時間呢。輕鬆獨食臉珠河、淨伊麵、淨爽腩，已經索價兩百蚊多，真係非常高銷費啊。獨獨午餐盡嘆淨牛骨湯、淨河粉、牛筋麵、淨
多年群記都是下午 1 點正才開檔，現提早到 12 點喎。沒有了油渣麵？沒有了鹼水麵 ？發現有牛鞭牛波子供應喎。多多規矩的清湯腩老字號 ﹗爽腩只限堂食，️食剩爽腩絕不準帶走，️最低銷費 $45 蚊，️不準攜帶外來食物，不設雙併，️不設加湯。我都想加規矩喎 ﹗食客不準喧嘩大聲說話、不準講電話、不準開電話鈴聲、不準開喇叭睇片打機聽歌、不準食剩食物﹗
記得以前餐牌係中英對照喎，何解轉成只有中文版呢？還有何解豉油樽上貼住醬油字樣呢？反對大陸化，反對赤化香港，捍衞廣東話，捍衛繁體字，捍衛香港文化﹗餐牌只有伊麵河粉米粉，已經無賣麵？查詢下原來仍然有幼麵粗麵供應，太好喇﹗清湯腩售價比潮州腩貴多兩三倍，應該因為質素、供應、工序、時間呢。輕鬆獨食臉珠河、淨伊麵、淨爽腩，已經索價兩百蚊多，真係非常高銷費啊。
獨獨午餐盡嘆淨牛骨湯、淨河粉、牛筋麵、淨牛爽腩、等等，最後再加多支樽裝大可樂！清得一滴湯一條麵一絲肉都無剩，唔係好過份之麻，滾動的色香味，幸福滿瀉﹗門外熱烘烘，舖內靜幽幽，店裡寧靜舒服。美食當前，大家變得沉默寡言，極度專注認真，默不作聲努力面前﹗
神州阿嬸我已經講走蔥兩次，您到底明唔明白什麼叫走蔥呀？您都係反祖國飲奶粉啦 ﹗新加盟依位強國阿嬸態度傲慢囂張嘴妙妙，服務好到不得了，認真地想車車車佢兩巴！講野無尾音只有鄉音，黑口黑面趕客咁款，火都黎﹗谷鬼氣費事叫您神州阿嬸退回去，我自己親手挑走算數﹗
蠔油芥蘭，不是大大碌翠綠芥蘭，貌似細棵芥蘭苗。烚得有點黃，幸好入口微甜帶甘，沾點鮮味蠔油品嚐也不錯，脆卜卜沒有渣。但沒有衝動大注大注地食，不想浪費才食掉大半碟。六四的芥蘭，印像中此從來沒有點過菜食呢。淨牛骨湯走蔥，多謝十個大洋，物超所值 ﹗膠到黏實您的嘴，厚厚奶白色見不到底，牛骨牛肉純天然甜味醇香，燙燙的灌入，飲極到唔夠喉啊 ﹗
淨清湯牛臉珠走蔥，有點擔心食不下牛鞭麵，所以叫份淨肉以防萬一。臉珠肉盛得滿滿，切得厚厚更能保住肉汁，燙住嘴的溫度十分舒服。大大舊肉啪，肉汁澎湃兇悍，牛味醇美，鬆化濕潤，跟腩肉完全不同的風格。濃縮牛骨湯黏黏的，當然依舊全部飲掉，淨食比跟粉麵更大件味道更香甜濃郁，質素只應天上有。
清湯牛鞭粗走蔥，第一次食挑戰成功 ﹗終於知道牛鞭係咩味，味道質地與牛筋雞子極為相似非常神奇，而且並沒有坊間傳說中的羶味喎。為悼念八九六四，要突破自己，食人生首次的牛能牛波子。牛鞭外觀以至質地味道都與牛筋幾乎一樣，膠膠黏黏彈彈，其實係咪牛筋黎架？瘦肉位較易接受。牛波子真係非常巨形﹗既然專登要試，硬著頭皮照食。賣相好似糯米釀大腸，嚥韌的外皮，濕潤綿綿的肉，味道像雞子。
粗麵彈過高質附蛋香，拖著大量香辣辣椒油更惹味刺激。真的很大心理壓力，連湯都不太敢飲。每次都會飲到一滴不漏的牛清湯，首次只淺呷幾口，真係抱歉。牛鞭食晒，牛波子剩兩片，都的吃不消。
淨清湯牛爽腩走蔥，非常神秘的爽腩，不準外賣、不準帶走，只限堂食，就算食剩都絕對不可以帶離場﹗依碗才是真正的牛爽腩，公司樓下間目牛鮮湯腩算罷啦﹗爽腩發出的牛甜味道非比尋常，每啖鬆鬆軟軟滲著兇湧肉汁。肉質軟綿膠彈綿婂滑溜，多種肉質共冶一爐。還有超濃郁的牛肉湯底，膠甜芳香，當然飲到一滴不漏。
清湯牛臉珠河走蔥，顏色比牛腩為深，厚厚鬆軟的臉珠肉，看得見的纖維特別粗，仍然保持軟腍無比，牛汁微滲味道濃郁，炆得清香入味，使得我舔舔脷。整碗牛臉珠河不用幾分鐘已被我完全蒸發掉，真才實料牛肉牛骨湯，必定要飲晒去﹗最貴就係碗湯，如果點淨牛骨湯要成 $10 蚊得幾啖架乍。
淨伊麵走蔥，只食一碗河粉點會夠喎 ﹗就算加底依然未夠喉。即煮伊麵新鮮送到，滾熱辣爽彈完整長啜長有，油香蛋香拖著醇美牛肉湯掃入嘴仔內，暢快忘我，好味到發不出聲來﹗
清湯牛爽腩河走蔥，河粉烚得出色，綿綿滑滑濕濕，掛湯度極强，每啖都感受到濃湯魅力 ﹗極濃牛肉牛骨湯底，雖然未及淨爽腩湯底的膠濃黏，但已經非常優質美味，真材實料一定要全部飲晒才對得住師傅﹗建議最好食原味，不要加添辣椒油、浙醋、豉油等等，這樣會浪費清湯腩純天然的精華﹗淨河粉走蔥，就算只是普通的齋河都何其美味出色 ﹗激甜的牛骨湯黏著每條河粉，滑滑的跣到舌尖上打滾半秒就直墜肚裡去，暖笠笠好舒服。
清湯牛爽腩伊走蔥，先來幾口黏黏的牛骨濃湯，膠膠的使我十分陶醉。師傅失手喎，伊麵腍劈劈碎濕濕，用筷子夾都夾唔到，難掛等得特別耐啦！辣椒油夠香夠辣達中辣程度，大口大口連湯帶麵倒入口，美味極致香辣刺激。辣椒油辣度滿意，不過香味有點不足，而且跟清湯腩味道不太合襯，原汁原味清湯腩都係食原味最非凡出眾，配辣椒油會將其味道淹沒。
清湯牛筋牛腩河走蔥，試完勁辣到原味 ﹗牛腩鬆化，牛筋膠滑，兩者均充滿湯汁肉汁。河粉夠完整，滑滑無過腍，索盡濃郁牛骨湯，一次過瀡晒入口，好好味呀！半滴湯都無得剩正常不過。清湯牛脷伊麵走蔥，份量超多的牛脷，鋪滿整碗見不到伊麵。牛舌厚切軟腍，味甜不羶，可口無敵。自製的浪漫，不設雙併的高傲麵店﹗可狠湯汁暖暖地，不滾燙不冒煙，冷清清的。預早烚定的伊麵淡茂茂，腍散碎一截截，食到疾住疾住，不能一氣呵成大啖啜，極度討厭火都黎﹗
淨清湯肥牛腩走蔥，湯汁與別不同，跟湯粉麵絕對兩回事。湯粉麵有加清湯溝稀，淨食只是純牛骨牛腩原汁原味。黏黏厚厚，特濃醇香，醃料濃郁，精華及靈魂所在，梗係一滴不漏全部飲掉啦。雖然名叫肥腩，只不過係稱呼來的。不肥不膩，爽彈膠黏的白膏，油脂甘甜無比，搭上豐滿軟塾腩肉，噴汁濕潤，還有爽爽筋膜，滋味無窮。
清湯牛筋麵走蔥，全部都係骨膠原，全部都係膠原蛋白，炆得超級綿滑膠黏嫩滑我鍾意。醃味得宜滷水清香如甘露，充漬著幸福的感覺。銀絲幼麵掛湯力持強，濕潤充滿湯汁大力啜，滾燙地享用，爽爽完整長長的麵幼，舒服暢快。雖然仍有點點鹼水味，但搭上優質辣椒油，便是天堂的味道，香辣兼備，刺激萬分。
蠔油芥蘭
29 views
0 likes
0 comments
淨牛骨湯
29 views
0 likes
0 comments
淨清湯牛臉珠
52 views
1 likes
0 comments
清湯牛鞭粗麵
161 views
0 likes
0 comments
清湯牛鞭粗麵
237 views
1 likes
0 comments
清湯牛鞭粗麵
170 views
1 likes
0 comments
辣椒油
57 views
0 likes
0 comments
淨清湯牛爽腩
26 views
0 likes
0 comments
清湯牛臉珠河粉
26 views
0 likes
0 comments
淨伊麵
13 views
0 likes
0 comments
清湯牛爽腩河粉
6 views
0 likes
0 comments
淨河粉
19 views
0 likes
0 comments
清湯牛筋麵
15 views
0 likes
0 comments
淨清湯牛爽腩
16 views
0 likes
0 comments
清湯牛爽腩伊
6 views
0 likes
0 comments
清湯牛爽腩伊
11 views
0 likes
0 comments
清湯牛筋伊
11 views
0 likes
0 comments
淨牛爽腩
14 views
0 likes
0 comments
淨河粉
14 views
0 likes
0 comments
清湯牛爽腩伊
23 views
0 likes
0 comments
辣椒油
19 views
0 likes
0 comments
清湯牛筋牛腩河粉
26 views
0 likes
0 comments
清湯牛筋牛腩河粉
22 views
0 likes
0 comments
淨清湯牛爽腩
27 views
0 likes
0 comments
清湯牛脷伊麵
29 views
0 likes
0 comments
清湯牛脷牛爽腩伊麵
30 views
0 likes
0 comments
淨清湯肥牛腩
30 views
0 likes
0 comments
淨清湯肥牛腩
30 views
0 likes
0 comments
清湯牛筋麵
38 views
0 likes
0 comments
辣椒油
44 views
0 likes
0 comments
Post
