回到味來 (Closed)

旺角應該係全世界餐廳密度最高嘅地方之一。中餐、西餐、日本菜、快餐…應有盡有。但評價咁一面倒的就無幾多間。Let’s check it out! 魚皮餃唔會淥到甩皮甩骨，包得紮實。餃皮煙韌有彈性。雪花肥牛牛肉真係好新鮮，呈血紅色，並唔係好似其他火鍋放題店咁樣，去到客人面前仲係結冰狀態，雪藏至變成瘀血色。而且油脂同肉比例剛剛好，加上切得好薄，水滾淥十秒剛剛好食得，口感腍滑。油香、肉味，皆出色。炸午餐肉邪惡! 但極好食。即炸響鈴熱辣辣即叫即炸。竹蔗茅根水微甜，飲得出沒有另外加糖。清熱下火。其餘火鍋配料都好相當OK, 尤其係蔬菜，種類多，而且非常新鮮。現場環境全部都係卡位，冷氣夠。幾時嚟打邊爐都係好選擇。