Video
Read full review
2021-11-23
231 views
一直對中式傳統糖水特別鐘情，貪佢好味之餘又健康。而九龍城裡面嘅地茂館甜品喺我心中一直穩固地佔據我最喜愛糖水店嘅頭五位，除咗因為佢哋嘅中式甜品的確非常地道好味，價錢又親民之外，亦同我好耐之前係報道了解過佢哋嘅背景有關。地茂館由1990年開張，所有糖水都係自家手製，一切過程包括磨豆、炒芝麻甚至隔渣嘅網袋都係親自製造，可謂真才實料。個女唔忍心無人繼承爸爸經營咗二十幾年嘅甜品店同時亦希望將中式糖水繼續傳承，所以接手，從學習到與時並進其實都並非一件易事，地茂館咁多年都有咁多捧場客，絕對係兩代人嘅堅持所得嘅。自己近年雖然對甜點嘅熱誠大減，已經一段長時間無到訪，但今次再訪時仍然係十分興奮。今次到訪，見到店面有翻新過，無特別大整修，改變嘅只係燈光更加明亮，餐牌上嘅字體印得更加清晰，仍然保留住以前原汁原味。餐牌上面糖水種類好多，基本上你諗到嘅中式糖水呢度都會有，每款糖水都可以加錢加唔同配料(例如蓮子，薏米白果，湯丸等)，今次食完晚飯先嚟，只能夠叫兩款品嚐。🔸蛋白燉鮮奶(熱)($𝟐𝟕)：燉嘅熟度啱啱好，質感順滑軟身，奶味香濃，糖份適中，唔會過甜，食完後奶味喺口裡面瀰漫，做得相當有水準。🔸軟滑糖不甩($𝟏𝟗
地茂館由1990年開張，所有糖水都係自家手製，一切過程包括磨豆、炒芝麻甚至隔渣嘅網袋都係親自製造，可謂真才實料。個女唔忍心無人繼承爸爸經營咗二十幾年嘅甜品店同時亦希望將中式糖水繼續傳承，所以接手，從學習到與時並進其實都並非一件易事，地茂館咁多年都有咁多捧場客，絕對係兩代人嘅堅持所得嘅。自己近年雖然對甜點嘅熱誠大減，已經一段長時間無到訪，但今次再訪時仍然係十分興奮。
今次到訪，見到店面有翻新過，無特別大整修，改變嘅只係燈光更加明亮，餐牌上嘅字體印得更加清晰，仍然保留住以前原汁原味。
餐牌上面糖水種類好多，基本上你諗到嘅中式糖水呢度都會有，每款糖水都可以加錢加唔同配料(例如蓮子，薏米白果，湯丸等)，今次食完晚飯先嚟，只能夠叫兩款品嚐。
🔸蛋白燉鮮奶(熱)($𝟐𝟕)：
燉嘅熟度啱啱好，質感順滑軟身，奶味香濃，糖份適中，唔會過甜，食完後奶味喺口裡面瀰漫，做得相當有水準。
蛋白燉鮮奶
8 views
0 likes
0 comments
🔸軟滑糖不甩($𝟏𝟗)：
每次嚟到一定係必食之選，上枱微暖嘅糯米丸係自家手打，夠哂軟糯，唔會過硬或者過軟，食落煙煙韌韌之餘味道仲有小小微甜，配埋加咗糖粉嘅花生碎真係絕配，無改錯名，果然係軟滑。呢個價錢有9粒，實在太抵食。
軟滑糖不甩
$19
18 views
0 likes
0 comments
追求踏實味道嘅人應該都會對地茂館愛不釋手，傳統中式糖水店喺現今社會已經買少見少，能夠多年保持水準，價錢仲一直都咁親民，實在令人不得不愛👍🏻🙏🏻。
Post
