Al Molo Ristorante Italiano (Closed)

今日攞左半日大假去中環簽文件，順道搵朋友仔食個 Lunch 加 Tea 啦 ﹗下個月會同班朋友黎依度聚餐，我先黎視察一下先。依個鐘數無咩人，環境清靜舒服。有露天坐位，如果淨飲野我都會考慮坐出面既，但係晏晝咁鬼熱同埋食飯，都係室內好啲。只有一位貌似外藉人仕既 waitress 乍喎，唔通晏晝落晒場？依間餐廳唯一一個 set，就係 Tea 喇 ﹗Pizza 加 Beer，無 set lunch 無 set dinner 架 ﹗發現 lunch menu 同 dinner menu 都有啲唔同喎。凍齋啡，我已經講左兩次走甜架喎 ﹗依家無走甜不特止，仲甜到似飲緊糖水﹗極度難飲呀 ﹗飲一啖就掉埋一邊，放棄 ﹗我都費事叫佢地換喇，叫杯啤酒順返條氣好過 ﹗Stella daught，整返 round 先 ﹗下午 3 點幾的生啤 ﹗我自問都係一個酒鬼，酒量非淺，但 Stella 真係好鬼易醉呀 ﹗連我都有啲頂唔緊，暈暈地呢 ﹗脆皮香草麵包，無跟黑醋喎 ﹗只係配左個唔知咩醬加橄油囉 ﹗但依個醬好特別，好香而咸咸地，同件麵包既味道非常夾，越食越想食，最衰舊包係凍架呢 ﹗麵包味濃，外皮略脆，裡面軟棉，滿意。