Video
Read full review
2023-06-04
400 views
🌶️🌶️🌶️港九新界都有分店，餐廳格局超級似大陸感覺，但係食四川烤魚，好味最緊要每款菜式都有唔辣、bb辣、小辣、中辣、大辣俾大家選擇仲要係實牙實齒，免茶錢、免前菜花生錢、免加一麻辣烤魚-清江魚 ($318)👍🏻👍🏻👍🏻👍🏻招牌麻辣烤魚一定要試，簡左小辣，比起譚仔小辣，佢既少辣比較輕微，滾起香噴噴整條魚都好大條，肉質好滑，唔鞋唔腥👍🏻👍🏻👍🏻食完未至於好頸渴要狂飲水，亦都唔覺重味精有好多配菜：薯仔、金菇、寬粉、大豆芽、豆腐、豆份量好多3-4人食都無問題，如果2人食就可能食唔到其他菜式上湯娃娃菜($68)娃娃菜好清甜，可能食左辣野關係，有唔辣既上湯娃娃菜中和返，而且有皮蛋調味，的確係唔錯既選擇酸辣土豆絲($68)每次食川菜都會叫，份量超大碟，顏色好吸引，質地唔會好淋，辣味多過酸味，要黎餸白飯真係無得輸👍🏻👍🏻👍🏻👍🏻揚州炒飯($78)炒飯有鑊氣，飯都粒粒乾爽，味道唔咸，中菜館炒粉麵正常都唔會差，同枱唔想食辣既朋友都可以有多一個選擇
港九新界都有分店，餐廳格局超級似大陸感覺，但係食四川烤魚，好味最緊要
每款菜式都有唔辣、bb辣、小辣、中辣、大辣俾大家選擇
仲要係實牙實齒，免茶錢、免前菜花生錢、免加一
麻辣烤魚-清江魚 ($318)👍🏻👍🏻👍🏻👍🏻
招牌麻辣烤魚一定要試，簡左小辣，比起譚仔小辣，佢既少辣比較輕微，滾起香噴噴
整條魚都好大條，肉質好滑，唔鞋唔腥👍🏻👍🏻👍🏻
食完未至於好頸渴要狂飲水，亦都唔覺重味精
有好多配菜：薯仔、金菇、寬粉、大豆芽、豆腐、豆
份量好多3-4人食都無問題，如果2人食就可能食唔到其他菜式
上湯娃娃菜($68)
娃娃菜好清甜，可能食左辣野關係，有唔辣既上湯娃娃菜中和返，而且有皮蛋調味，的確係唔錯既選擇
酸辣土豆絲($68)
每次食川菜都會叫，份量超大碟，顏色好吸引，質地唔會好淋，辣味多過酸味，要黎餸白飯真係無得輸👍🏻👍🏻👍🏻👍🏻
揚州炒飯($78)
炒飯有鑊氣，飯都粒粒乾爽，味道唔咸，中菜館炒粉麵正常都唔會差，同枱唔想食辣既朋友都可以有多一個選擇
Post
